Covid-hulp: Slegs 15% sover uitbetaal

Byna 25 000 werkers, 177 maatskappye gehelp

17 February 2021 | Regering
Augetto Graig – Tot dusver is slegs sowat N$98 miljoen in die nasionale hulpskema teen die Covid- 19-pandemie uitbetaal, ofte wel 15% van die begrote N$652 miljoen wat die Maatskaplike Voorsorgfonds (SSC) en die regering gesamentlik vir die doel beskikbaar gemaak het.
Die SSC betaal steeds eise aan kwalifiserende maatskappye en individue uit.
“Terwyl die sperdatum vir aansoeke vir finansiële hulp 30 Julie 2020 was, duur uitbetaling voort aan werknemers en werkgewers wat kwalifiseer,” het die SSC-woordvoerder, me. Unomengi Kauapirura, bevestig.
Die minister van finansies, mnr. Iipumbu Shiimi, het laas April die nasionale indiensneming- en salarisbeskermingskema teen die impak van Covid-19 aangekondig, om werksgeleenthede en inkomstebronne veral tydens die inperking te beskerm.
Hierdeur kon maatskappye in die toerisme-, konstruksie- en lugrederybedryf aansoek doen vir 17% van hul salarisrekening as ’n subsidie vanaf die regering, terwyl ander sektore vir drie maande van bydraes tot die SSC vrygeskeld kon word.
Individue is ook finansieel gehelp en volgens die nuutste syfers verskaf deur Kauapirura is altesaam bykans N$80 miljoen tussen 24 893 werknemers versprei.
In terme van maatskappye wat deur die finansiële bystand gebaat het, sê die SSC dat 177 uitbetalings ter waarde van meer as N$18 miljoen gedoen is.
Die meerderheid (79) van die goedgekeurde maatskappye is in die hotel-, kroeg-, restaurant- of spysenieringsbedryf, en nog 69 is in die boubedryf of is elektriese kontrakteurs.
Volgens die SSC is 36 van die maatskappye wat gehelp is, in toerisme, verskeping of die reisbedryf.
Een begunstigde is Trip Travel wat ook swaar deur die impak van Covid-19 getref is. Volgens Trip Travel se uitvoerende hoof, mnr. Herbert Burmeister, was die impak van die inperking so erg dat die maatskappy steeds moes herstruktureer.
“Die subsidie op sigself het ons nie deurgehelp nie,” sê hy.
Hy sê die aansoek- en verifiëringsproses het oor maande gestrek, maar toe die geld kom, was dit nogtans hoogs waardeer.
Shiimi het aanvanklik gesê die regering sou N$400 miljoen vir die pakket bewillig, terwyl die ander N$252 miljoen van die SSC sou kom. Daar was dus sowat N$650 miljoen tot die skema se beskikking.
Kauapirura het onlangs uitgebrei oor vereistes tot goedkeuring vir die finansiële bystand, wat geregistreerde lidmaatskap aan die SSC insluit, en dat werkgewers nie in Mei, Junie en Julie 2020 werknemers sou aflê nie. Salarisse moes ook nie met meer as 50% gesny wees nie.
Aansoeke is ook afgekeur indien werknemers meer as N$50 000 per jaar verdien; indien hul salaris nie deur Covid-19 verminder is nie, of as hulle vir minder as ses maande lede van die Voorsorgkommissie was.
“Tot 18 Januarie was ons kantore vir die vakansie gesluit, maar personeellede wat gedurende hierdie tyd gewerk het, was besig om betalings te verwerk waarvoor sekere verpligte dokumente van sommige aansoekers nog uitstaande was.
“Dit beteken daar is steeds betalings wat nie uitgereik is nie, weens uitstaande dokumente wat nodig is om sulke betalings moontlik te maak.
“In hierdie verband word aansoekers in kennis gestel van wat meer van hulle verwag word om al die uitstaande transaksies te kan voltooi,” het sy bygevoeg.
[email protected]

Soortgelyk

 

Vrou woon in haar motor by hospitaal

8 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

8 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

8 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

8 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

8 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

8 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

8 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

8 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

8 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...