Covid-19 gaan 'nie verkiesings ontspoor'

ECN-planne gaan voort

09 June 2020 | Regering
Denver Kisting – Die Verkiesingskommissie van Namibië (ECN) het gister by monde van sy hoofkiesbeampte, mnr. Theo Mujoro, gesê die Covid-19-pandemie sal nie sy kieskalender vir 2020 verongeluk nie.

Namibiërs is geskeduleer om later vanjaar stembus toe te gaan vir die vyfjaarlikse plaaslike owerheid- en streekraadsverkiesings.

Volgens Mujoro is daar in dié stadium geen aanduiding dat dié verkiesings nie sal plaasvind nie.

Hy het gesê 'n vergadering is met politieke partye belê waartydens die verkiesingsdagboek aan hulle voorgelê sal word “en sekere kwessies uitgepluis sal word”.

Sodra daardie been van die proses afgehandel is, sal hy die kalender openbaar kan maak, het Mujoro gesê.

Die vergadering vind na verwagting aanstaande Woensdag plaas, sê hy.

In die nasionale begroting wat mnr. Iipumbu Shiimi, die minister van finansies, voorverlede week in die Nasionale Vergadering (NV) ter tafel gelê het, word nagenoeg N$282,2 miljoen vir die ECN opsygesit.

In verlede jaar se begroting was die verwagting die nasionale kiesliggaam sou vir vanjaar ongeveer N$288,4 miljoen benodig.



Terugkeer na stembriewe

Alle verkiesings sal voortaan by wyse van tradisionele stembriewe geskied.

Dít kom nadat die hooggeregshof vroeër vanjaar gelas het indien 'n naspeurbare papierspoor nie terselfdertyd in werking gestel word nie, mag elektroniese stemmasjiene (EVM's) nie weer gebruik word nie.

Die tandarts wat in November vir pres. Hage Geingob in die presidensiële verkiesing laat les opsê het, dr. Panduleni Itula, het 'n geding aanhangig gemaak teen die kiesuitslae weens die gebruik van EVM's.

Hy het aanvanklik die hof gevra om die kiesuitslae nietig te verklaar en 'n herverkiesing te gelas.

Dié eise het nie geslaag nie.

- [email protected]

Soortgelyk

 

Egipte arresteer dokters om kritici stil te maak

16 minute gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Ligte vonnis vir kameelperdjagters

1 uur gelede | Misdaad

Twee Namibiese mans het verlede Dinsdag op Kamanjab 'n ligte vonnis vir onwettige kameelperdjag gekry.Hubertus Alfried Kreiner en Daniel Stephanus Malan is tot 'n boete...

Covid-19 knou Media24

2 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

3 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

3 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Kleintjies terug skool toe

14 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

14 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

14 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...

'Fitty' wil N$16 m. vir borg betaal

14 ure gelede | Misdaad

Jemima BeukesDie Fishrot-beskuldigde mnr. Tamson 'Fitty' Hatuikulipi – wat die staat aanvoer was 'n inte­grale deel van die viskwota-­omkoopskandaal – het sy vaste bates ter...