Corona: Geen beperkings op handel

Maatskaplike ontwrigting

13 February 2020 | Gesondheid
Henriette Lamprecht – Teen die einde van dié week sal 20 lande in Afrika, insluitende Namibië, plaaslik toetse vir die coronavirussiekte (covid-19) kan doen.

Volgens die Wêreldgesondheidsorganisasie (WHO) se noodgesondheidsbeampte dr. Petrus Mhata is meer as 400 top-wetenskaplikes tans in Genève, Switserland, byeen om die ontwikkeling van ’n entstof teen die siekte te bespoedig.

Volgens Mhata het Afrika beduidende vooruitgang gemaak in voorbereiding op ’n griepepidemie.

Die coronavirus is ’n groot groep virusse wat siektes soortgelyk aan griep veroorsaak.

“Die voorbereidingswerk wat reeds vir ’n grieppandemie gedoen is, kan gebruik word indien ’n covid-19-uitbreking die streek tref,” het hy gesê.

Hy het gesê dit is belangrik om oor laboratoriums vir die vinnige toetsing van monsters te beskik.

“In die komende dae sal meer as 20 laboratoriums in die streek diagnostiese kapasiteit hê.”

Die WHO het 13 lande geïdentifiseer as lande wat voorkeur moet geniet weens hul direkte bande of hoë reisvolumes na China, wat hul voorkomingsmaatreëls moet verhoog.

Namibië val nie in dié groep wat lande soos Angola, Ghana, Nigerië en Suid-Afrika insluit nie.

Hy het beklemtoon die WHO stel nie enige reisbeperkings vir lande in Afrika voor nie weens die maatskaplike ontwrigting wat dit veroorsaak.

Ook weeg die intensiewe gebruik van hulpbronne swaarder as die moontlike voordele.

Met verwysing na die dra van maskers het Matha gesê dit is bedoel vir mense wat reeds geïnfekteer is of wat in kontak is met of iemand versorg wat siek is.

“Dit is bedoel om mense wat geïnfekteer is, te beskerm sodat hulle nie die virus versprei nie. Dit is tot ’n mate doeltreffend sou dit reg gebruik word.”

Die WHO se verteenwoordiger in Namibië, dr. Charles Sagoe-Moses, het gesê mense moenie te veel op maskers staatmaak en vergeet om ook hul hande te was nie.

Hy het verwys na die moontlike geval van covid-19 op Swakopmund waar ’n 33-jarige vrou negatief vir die siekte getoets het.

“Sy was saam met ’n klomp mense van China wat maskers op die vliegtuig gedra het. Die aanname was dat hulle siek moet wees omdat hulle maskers gedra het. Maskers kan ook die verkeerde boodskap uitdra en ’n vals indruk skep,” het hy gemaan.

Volgens Sagoe-Moses werk die WHO nou saam met internasionale verskaffings- en logistieke maatskappye om persoonlike beskermende klere en noodsaaklike medisyne aan mense en pasiënte aan die voorpunt van die pandemie te verskaf.

In die verband stuur die WHO onder meer 531 000 maskers, 350 000 pare handskoene en 18 000 isolasiepakke en ander beskermende toerusting om te verseker gesondheidswerkers in 24 lande word beskerm wanneer hulle pasiënte wat moontlik met die virus geïnfekteer is, diagnoseer en behandel.

Meer lande gaan bygevoeg word.

Met verwysing na die toets vir die siekte het Sagoe-Moses gesê die WHO stuur 250 000 toetse na meer as 70 verwysingslaboratoriums oraloor die wêreld om die toets vir die siekte te bespoedig.

Tot vroeg verlede week was daar net twee laboratoriums, een in Senegal en een in Suid-Afrika, wat reagense gehad het om monsters te toets.

Dertien lande kan nou vir die virus toets, met die syfer wat teen die einde van die week tot 20 sal styg.

“Die WHO stuur stelle na 35 laboratoriums in Afrika wat sal verseker dié laboratoriums het die diagnostiese kapasiteit om vir covid-19 te toets en kan buurlande se monsters ook toets,” het hy gesê.

Volgens Sagoe-Moses word platforms soos Google, Facebook, Twitter, Tencent en TikTok ook ingespan om fopnuus te weerlê en die regte inligting te versprei.

[email protected]

Soortgelyk

 

Damme voller

8 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

8 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

8 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

8 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

8 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

8 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

8 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

8 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

8 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...