Conradie-verhoor weer uitgestel

‘Staat het nog nooit uitstel gevra’

29 April 2019 | Howe
Die verhoor van die plaaslike prokureur mnr. Dirk Conradie en sy medebeskuldigde, me. Sarah Damases, wat in Junie 2012 op aanklagte van korrupsie in hegtenis geneem is, is tot aanstaande maand uitgestel.

Dít volg nadat Damases se regsverteenwoordiger, mnr. Vetu Uanivi, weens mediese redes tot 25 Mei afgeboek is.

Volgens ’n verklaring deur die Teenkorrupsiekommissie (ACC) sou die hofsaak verlede week van 24 April tot 10 Mei in die hoërhof voortgegaan het.

Uanivi het egter op die dag wat die hofsaak sou voortgaan per brief aangedui hy is tot einde Mei afgeboek. Die brief is van ’n mediese sertifikaat vergesel.

Regter Thomas Masuku, wat op die bank was, was nie tevrede met die manier waarop Uanivi se afwesigheid gekommunikeer is nie en het ’n hofbevel uitgereik vir hom of sy raad om op 25 April in die hof te verskyn om dit te verduidelik.

Die raad het ’n verklaring met ’n verskoning aan die regter oorhandig vir die wyse waarop die omstandighede aan die hof oorgedra is.

In die lig van die verklaring het Masuku Uanivi se redes as sinvol beskou en die saak tot 16 Mei uitgestel wanneer hy beskikbaar sal wees om die hof persoonlik toe te spreek en vir die hof om op ’n verdere hofdatum te besluit.

Volgens die ACC is die uitstel betreurenswaardig, omdat die staat koste moes aangaan om ’n getuie uit Australië te laat reis en te huisves.

Die saak is reeds sedert 26 Junie 2012 vir die afgelope ses jaar en 10 maande op die hofrol.

Die kommissie sê voorts die staat het nog nooit vir uitstel gevra nie en was voorbereid daarop dat verrigtinge voortgaan.

Uit die ACC se ondersoek het verskeie klagte teen Conradie en Damases gespruit, wat almal op die oortreding van die teenkorrupsiewet gebaseer is en glo met ’n N$60 miljoen-advertensiekontrak verband hou.

Dít spruit uit die verskaffing van ’n bandopname van ’n vergadering wat mnr. Mark Bongers en sy vrou en sakevennoot, me. Kim Field, van die advertensiemaatskappy DV8 Saatchi & Saatchi, met Conradie en Damases gehad het.

Soortgelyk

 

Kawana gee besonderhede oor viskwotas

9 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

20 ure gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

20 ure gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

20 ure gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

20 ure gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

20 ure gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

20 ure gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

20 ure gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

20 ure gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...