Connor deur na laaste vier

30 April 2021 | Sport
Tielman van Lill – Danksy slim spel het die tweede gekeurde Connor van Schalkwyk van Namibië gisteroggend in Olympia in die kwarteindronde van die Sanlam ITF o.18-toernooi vir Alexander Edley van Suid-Afrika uitgeskakel.

Die 16-jarige Van Schalkwyk het die vorige oggend by die Sentraal-tennisklub vir Marshall Hulette van Suid-Afrika met 6-0, 6-0 oorskadu om tot die laaste agt te vorder. Edley het op sy beurt Woensdag vir Josh Manuel van Brittanje met 1-6, 7-6, 6-3 uitgeskakel om sy afspraak met Van Schalkwyk vas te knoop.

Die lenige Van Schalkwyk het gister die eerste stel met 7-6 gewen, maar Edley veg terug en dwing Van Schalkwyk op die agtervoet om die stel met 6-3 in te palm. Hierna het die Namibiër egter die humeurige Edley in die laaste stel behoorlik rondgejaag met kanonskoot-afslane, akkurate agterbaanhoue wat in die hoekie geplaas is, of nou en dan 'n skelm valhoutjie by die net om die botsing met 6-2 te verseël.

Van Schalkwyk sal vandag in sy halfeindstryd teen Anro Nel kragte meet, terwyl twee Suid-Afrikaners, die topgekeurde Mikaeel Woodman en Connor Kruger (nommer 4), sake vir die ander plek in die finaal uitspook.

In die ander kwarteindstryde gister het Anro Nel (RSA, derde gekeur) vir Alexander Erikkson (Swede, sesde) in twee stelle (7-6, 6-2) geklop. Mikaeel Woodman (RSA) verloor die eerste stel met 6-4, maar boender James Edley (Alexander se tweelingbroer, sewende) met 6-4, 6-2 uit.

Connor Kruger (RSA, vierde) het net twee stelle nodig gehad om Adrian Luddeckens (Swede, agtste) met 6-3, 6-3 te klop.

• In die dubbelspel is Van Schalkwyk en sy RSA-maat Anro Nel ook nog lewendig en deur na die kwarteindstryd.

Dié twee is die topgekeurde kombinasie en het gister met 6-1, 6-1 verby Hulette en Roosenschoon gevorder.

[email protected]

Soortgelyk

 

Pastoor verkrag glo tienerseuns

10 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

10 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

10 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

10 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

10 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

10 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

10 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

10 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

10 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...