CJ bedank as breier by Griekwas

10 January 2019 | Sport
Marnus Kok - Skaars twee maande nadat die voormalige Springbok-stut CJ van der Linde as Griekwas se voorspelerafrigter aangestel is, het hy sy bedanking ingedien.

Van der Linde (38), wat die Springbokke in 75 toetse op stut verteenwoordig het, het op 1 November diens by die Poubloues aanvaar.

Dít nadat Brent Janse van Rensburg, wat voorheen saam met dié oud-Bok die Pumas afgerig het, as Griekwas se nuwe afrigter in Peter Engledow se plek aangestel is.

Van der Linde het hom Maandag weer in Kimberley aangemeld nadat hy Allister Coetzee se Canon Eagles in Japan sedert November as skrumkonsultant bygestaan het.

Arni van Rooyen, uitvoerende hoof van die Griekwaland-Wes Rugbyunie, het bevestig dat Van der Linde die unie in Maart sal verlaat.

“Hy het onlangs 'n aanbod by 'n oorsese span ontvang wat hy voel hy nie van die hand kan wys nie.”

Van der Linde sê hy is teleurgesteld om ná so 'n kort dienstyd te bedank.

“Dit maak my hartseer dat ek moet bedank voordat ek 'n geleentheid gehad het om met die groep spelers te werk. Hoewel dit 'n baie moeilike besluit was om te neem, was my familie se toekoms die bepalende faktor.”

Dit is bekend dat Van der Linde as skrumafrigter hoog aangeslaan word. Ná sy speeldae het hy die Franse klubspan Montpellier in dié aspek van die spel bygestaan, voordat hy die pos by die Pumas aanvaar het.

Van der Linde se vertrek bring mee dat die Poubloues se afrigting vir eers man-alleen deur Janse van Rensburg behartig sal moet word, aangesien 'n agterlynafrigter ook nog nie aangewys is nie. – Netwerk24

Soortgelyk

 

Teetyd uit soos koekies in 'n staatshospitaal

5 ure gelede | Ministeries

Henriette Lamprecht – Die dae van 'n koekie en 'n koppie tee op 'n pasiënt se bedkassie soggens en saans is getel. Van 1 April...

Sekuriteit voor stok gekry

5 ure gelede | Ministeries

Elvira Hattingh Onvoldoende en laat salarisbetalings, maatskappye wat nie werkskontrakte of betaalstrokies gebruik nie en sekuriteits­wagte wat slaap as hulle moet werk, of steel, is...

Een ongelukslagoffer geïdentifiseer

5 ure gelede | Ongelukke

Tanja Bause - Een van die oorledenes in die ongeluk tussen ’n sedanvoertuig en ’n nutsvoertuig, wat die lewe van ses mense Maandag tussen Windhoek...

‘Wolf in skaapsklere’ voor vir Nedbank-diefstal

5 ure gelede | Howe

'n Sekuriteitswag by die Nedbank-tak op Otjiwarongo is een van die vier verdagtes wat aangekeer is vir die diefstal van nagenoeg N$3 miljoen uit dié...

Katrina verwyder glo opposisie van lys

5 ure gelede | Howe

Denver Kisting Sy het ineengestort en dit het gevoel sy is onwelkom in haar eie land. Volgens haar het die nuus haar onbedaarlik laat huil.Dít...

Weer vir 13 Maart 2019

5 ure gelede | Weer

BINNELAND: Sonnig en baie warm in die Weste en Suidweste. Elders sal dit gedeeltelik bewolk en baie warm tot bloedig warm wees met enkele...

Asiatiese sementreus soek Ohorongo

5 ure gelede | Plaaslik

Ronelle Rademeyer - Die internasionale sementreus International Cement Group (ICG), met sy hoofkantoor in Singapoer, het 'n voorwaardelike ooreenkoms gesluit om Schwenk Namibia se 69,8%...

Cheetah Cement ondergaan streng gehaltetoetsing

5 ure gelede | Plaaslik

Ogone Tlhage - Die Chinees-gesteunde sementfabriek Whale Rock Cement is besig met akkreditering en sal wanneer die proses afgehandel is, in dieselfde liga as groot...

Suzuki launches second-generation Ertiga

5 ure gelede | Motors

The second-generation Suzuki Ertiga arrives at dealers at the end of Q1 2019, to a far different world than its first-generation predecessor, which was launched...