Christchurch-krisis help Namibië

Persendts se presente

18 November 2019 | Mense
Denver Kisting – ’n Namibiese egpaar wat Nieu-Seeland toe is vir nagraadse studie het met meer as doktorsgrade teruggekeer.

Dr. Rosa Persendt vertel by navraag: “Dis ’n storie van hoop, veerkragtigheid en vrygewigheid.”

Sy en haar man, dr. Frans Persendt, en hul twee dogters, Nicole en Olivia, het in Januarie 2012 in Christchurch aangekom.

Dit was kort ná ’n verwoestende aardbewing die Canterburystreek lamgelê het.

Nagenoeg 185 mense het tydens dié aardbewing in 2011 omgekom.

Dr. Rosa Persendt sê die gesindheid van die mense te midde van die ellende het hulle baie ontroer.

“Die gemeenskap het sterk gestaan, en deur alles nog aan ander gedink,” sê sy.

Dit wat ná die natuurramp van ’n plaaslike skool, Laerskool Wainoni, oorgebly het, moes platgeslaan word, vertel sy. “Maar voor die skoolgebou platgeslaan is, is ek en my man gevra of ons die biblioteek se boeke kon gaan haal om met kinders in Namibië te deel.

“Ons was dankbaar vir dié gawe gebaar en het ons kar verkoop en ’n vraghouer aangeskaf om die aflewering moontlik te maak.”

Dit was egter nog nie die einde van Christchurch se ruimhartigheid nie, vertel sy.

“Die omgeeharte van die mense van Christchurch is uitgebrei met klere en speelgoed – alles gepak deur lede van die gemeenskap.”

Sy sê dit was geen maklike taak om die besending in Namibië te kry nie.

“In terme van logistiek was die proses ’n uitdaging om die minste te sê, maar ons het net een in ding in gedagte gehad – dat Namibiese kinders die boeke lees en met die speelgoed speel en die klere dra.”

Met behulp van Namport en die ministerie van finansies se doeane het die vrag vol vrygewigheid heelhuids in die land aangekom en kon die Persendts uiteindelik verlede week die besending aan die Dolam Children’s Trust oorhandig.

“Ons wil graag ook dr. Garth en Elizabeth Gant, ons mentors in Christchurch, die Christchurch West Methodist Church, Lesley en Stefanja Potgieter, en die Geografiedepartment aan die Canterbury-universiteit bedank.”

Frans, wat al 25 jaar by die Universiteit van Namibië (Unam) klasgee, het ook ’n doktorsgraad in geoinformatiese stelsels, en Rosa, wat een jaar minder in die Unam-tuig is, in mediese antropologie.

- [email protected]

Soortgelyk

 

50 nuwe Covid-19-gevalle, 32 in Windhoek

14 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...