Chinese horingsmokkelaars sit langer ná appèlaansoek

16 April 2019 | Howe
Francoise Steynberg - Die vier Chinese smokkelaars van renosterhorings gaan ná hul appèl langer agter tralies bly, het regter Alfred Siboleka Vrydag in die Windhoekse hoërhof beslis.

Dit volg ná Li Xiaoliang, Li Zhibing, Pu Xuixin en Wang Hui in Desember teen hul vonnis van 14 jaar tronkstraf elk geappelleer het nadat hulle op 24 Maart 2014 'n luiperdvel en 14 renosterhorings in twee tasse vanaf die Internasionale Lughawe Hosea Kutako uit Namibië wou smokkel. Die twee Li's en Pu is by die lughawe in hegtenis geneem en Wang eers later in Mei 2015 in die hoofstad.

Die vier is op 30 September 2016 in die Windhoekse streekshof deur landdros Alexis Diergaardt tot 14 jaar gevangenisstraf elk gevonnis. Die twee Li's en Pu se tronkstraf is vir twee en 'n half jaar vir vyf jaar opgeskort, terwyl Wang s'n vir twee jaar en vier maande opgeskort is. Die eerste drie sou dus effektief elf en 'n jaar agter tralies wees, en Wang elf jaar en agt maande.

Siboleka het saam met regter Dinnah Usiko nie net hul appèl van die hand gewys nie, maar hulle bykomend skuldig bevind aan geldwassery onder die wet op die voorkoming van georganiseerde misdaad.

Boonop is hul gevangenisstraf tot 20 jaar elk verleng, waarvan vyf jaar voorwaardelik opgeskort is. Die vier sal dus nou 15 jaar effektief agter tralies bly. Die vonnisse is tot 30 September 2016 terug gedateer.

"Renosters is vreedsame diere en daar is geen rede op aarde waarom iemand hulle wil skiet of hul horingsprodukte besit nie, behalwe om dit uit te voer en handel daarin te dryf. Hul karkasse is gelos om te vrot," het Siboleka gesê.

"Na my mening is die enigste doelwit om in besit van renosterhorings te wees, om die toerismebedyf - 'n enjin van ons ekonomie en welstand - op sy knieë te bring. Dit is die ergste soort van ekonomiese terugslag wat 'n buitelander of 'n burger op Namibiese grond kan pleeg."

Die regter het beklemtoon "as hierdie subtiele aanslag nie met 'n ystervuis getakel word nie, is die onherstelbare skade aan ons wildlewe onvermydelik en verseker."

Siboleka het gesê volgens die kringetelevisiekameras het die vier duidelik saam as 'n groep vir een dag op 23 Maart 2014 by die Windhoek Country Club beweeg.

"Hul bewegings tussen die twee kamers 242 en 243 wys dat hulle as 'n groep saam was. Al vier was in besit en in volle beheer van die twee tasse met die 14 renosterhorings en luiperdvel, selfs by die lughawe toe die bagasie by die bagasiepunt in die vertreksaal uitgewys en verwyder is," het Siboleka gesê.

Hy het ook beklemtoon dat Wang op 22 Maart 2014 die vliegtuigkaartjies van sy drie medepligtiges bespreek en betaal het.

Mnr. Sisa Namandje het die vier Chinese verteenwoordig en mnr. Simba Nduma het aangekla.

Soortgelyk

 

Raad sit oor polisiehoof

7 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

7 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

7 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

7 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

7 ure gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

7 ure gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

7 ure gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

7 ure gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

7 ure gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....