Chinese beskuldigde voorlopig 'n vry man

01 March 2018 | Howe
Die klagte teen ‘n Chinese man wat in Januarie verlede jaar vir die onwettige besit van twee renosterhorings in in Windhoek hegtenis geneem is, is Woensdag in die Windhoekse landdroshof voorlopig teruggetrek.

Die beskuldigde, mnr. Lu Yonghui (41) is voorlopig ‘n vry man nadat senior staatsaanklaer Rowan van Wyk die hof ingelig het dat die ondersoek in die saak onvolledig is.

Volgens die staatsaanklaer is die ondersoekbeampte van die saak deel van die groep van die Namibiese polisie (Nampol) wat vir die Verenigde Nasies se vredesmag sedert verlede jaar in Darfoer in Suid-Soedan ontplooi is. Dus kon die ondersoek nie voltooi word nie.

Nóg ‘n rede waarom die klagte voorlopige teruggetrek is, is omdat Lu se medepligtige, mnr. Chen Nan (29), sedert 21 Junie 2017 voortvlugtend is.

'n Lasbrief vir Chen se inhegtenisname is uitgereik ná hy telkemale afwesig by die hof was. Sy borgtog van N$300 000 is deur die staat verbeurd verklaar.

Lu se borgtog van N$300 000 is gekanselleer en aan hom teruggegee, maar klagte kan weer teen hom heropen word as die polisie daarin slaag om Chen weer in hegtenis te neem.

Die twee Chinese is in ‘n woonstel by Berghof Court in Eros met twee renosterhorings ter waarde van N$44 000 en ‘n haelgeweer in hegtenis geneem.


Nóg ‘n Chinese burger, mnr. Zhi Geng (38), is voortvlugtend.

Hy is aangekla in verband met die onwettige besit van 27 stukke renosterhorings van 1,14 kg ter waarde van N$91 000, asook 95 kg perlemoen ter waarde van N$235 000.

Hy is in Februarie 2016 in 'n huis in die Ludwigsdorf-woonbuurt in die hoofstad deur die polisie se eenheid vir beskermde bronne in hegtenis geneem.

Zhi het op 11 September 2017 nie vir sy hofverskyning opgedaag nie en sy regsverteenwoordiger, mnr. Amoomo Kadhila, het nie geweet waar sy kliënt hom bevind nie. 'n Lasbrief vir Zhi se inhegtenisname is op dié dag uitgereik en sy borgtog van N$250 000 is deur die staat verbeurd verklaar.

Klagte teen sy medebeskuldigde, die plaaslike sakeman, mnr. James Barron Wallace (49), is ook voorlopig teruggetrek. – Nampa en eie berig

Soortgelyk

 

Ethiopiese vliegtuig met 157 aan boord stort neer

18 minute gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...