‘Cheers,’ sê Choppies

16 August 2019 | Sakenuus
Nellie Brand-Jonker

Die sukkelende winkelgroep van Botswana, Choppies, het besluit om die aftog te blaas in Suid-Afrika.

Beleggers is verwys na die verskeie aankondigings oor die vertraging met die uitreiking van sy resultate vir die boekjaar tot einde Junie en die verwante omsigtigheidsverklaring.

Nog ’n omsigtigheidsverklaring is nou uitgereik wat nie daarmee verband hou nie.

Volgens die maatskappy het sy direksie ná ’n strategiese hersiening van sy Suid-Afrikaanse onderneming besluit om die mark te verlaat.

Choppies het begin met ’n proses om Choppies Supermarkets SA heeltemal of gedeeltelik te verkoop.

Hy meen as so ’n transaksie voltooi word, sal dit ’n impak op sy aandeelprys hê.

Die direksie het Redford Capital aangestel as adviseur in die proses.

Belangstellende partye is uitgenooi om op ’n webtuiste (www.choppies-eoi.com) hul belangstelling te toon om ’n aanbod te maak.

Redford Capital is nie ’n verwante party van Choppies nie, lui die verklaring.

Choppies se verhandeling is sedert November 2018 op sowel die aandeelmarkte van Botswana as Johannesburg opgeskort.

Dit was omdat hy nie sy jaarsyfers uitgereik het nie.

Netwerk24 het in Mei berig Choppies het sy uitvoerende hoof geskors. – Netwerk24

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...