Checkers verkoop genoeg Oros vir ’n swembad

05 December 2019 | Sakenuus
Nellie Brand-Jonker – Die winkels van Shoprite, Checkers en Checkers Hyper het 144 klante per sekonde op Swart Vrydag bedien.

Die eerste terugvoer wat instroom oor Swart Vrydag toon reusagtige hoeveelhede produkte is verkoop, nie net in fisieke winkels nie, maar aanlyn ook.

Die Shoprite-groep sê by navraag dit was ’n rekord-handelsdag gegewe dat vanjaar se Swart Vrydag ’n week later en ná die betalings van salarisse plaasgevind het.

Die winkels het besparinge van tot 50% op produkte gegee.

Die Shoprite-groep het gesê die gewildste artikels in sy winkels was dié met die grootste afslag, soos 2 kg-Omo; 2 liter-Oros en 1 liter-Ultramel-vla, asook die pakke van 18 rolle Baby Soft-tweelaag-toiletpapier; 200 g-Jacobs-kitskoffie en 1,5 liter-Coke.

So het die produkte verkoop:

· Op Swart Vrydag het Shoprite genoeg Omo-waspoeier verkoop om meer as 11 miljoen keer wasgoed te was.

· Checkers het genoeg Oros verkoop om ’n hele Olimpiese grootte swembad vol te maak.

Volgens Game was promosies op koeldrank baie gewild.

Ook sy Camp Master-koelhouer van 26 liter, wat teen R99 verkoop het, was baie gewild.

Game het verlede week gesê produkte met meer as R200 miljoen se waarde in promosies het op Swart Vrydag verkoop. Dit is dubbeld wat verwag is.

Dié winkelgroep wou nie spesifieke vrae oor die aantal produkte wat verkoop is, beantwoord nie.

“Die jaar se grootste verkopers was TV’s, yskaste en groot verbruikstoestelle.”

Volgens DPO South Africa, Suid-Afrika se grootste verskaffer van betalingsdienste, het die transaksies op Swart Vrydag 400% gespring vergeleke met ’n gemiddelde handelsdag.

DPO sluit in betalingstelsels soos PayGate, PayFast en SiD Secure EFT.

Volgens Peter Harvey, besturende direkteur van die DPO-groep, het transaksie van Swart Vrydag tot Kuber-Maandag met 35% jaar tot jaar gestyg.

Dié syfers is vir aanlyn winkels wat van sy betalingstelsel gebruik maak.

Die webwerf waar mense pryse kan vergelyk, PriceCheck, het gesê ’n verhoging van sowat 300% is beleef in hoeveel mense die webwerf op Swart Vrydag gebruik het vergeleke met voor dit.

PriceCheck se ander syfers lyk as volg:

· ’n Verhoging van 20% is jaar tot jaar op Swart Vrydag in gebruikers beleef.

· 36% meer soektogte vergeleke met ’n jaar gelede.

· 55% van die gebruikers was vroue.

Volgens Chloe Lötter, uitvoerende hoof van PriceCheck, was die produkte waarna die meeste gesoek is handelsnaam-tekkies gevolg deur lugreëling en dan elektroniese produkte vir tuisvermaak. – Netwerk24

Soortgelyk

 

Covid-19-gevalle styg met 96 tot 1 618

22 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...