Chaos by skole sleep voort
Die permanente sekretaris van onderwys, kuns en kultuur sê sy het begrip vir ouers se angs.
Denver Kisting – Ouers wat nie verlede jaar vir plasing vir hul kinders in Khomasskole geregistreer het nie, sal eers teen 29 Januarie gehelp kan word.
Hiernaas moet ouers van voornemende graad 8’s wat nog op plasing in dié streek wag, geduld aan die dag lê. “Die streekkantoor sal u kontak sodra ons plek vir u kind vind. Dit is nie nodig om na die streekkantoor toe te kom nie omdat ons al die besonderhede het.”
Só lui twee kennisgewings in die Frans Indongo-gebou, waar die direktoraat geleë is.
Die streekdirektoraat sê verder hy kan nie navrae op ’n individuele grondslag hanteer nie, aangesien dit tydrowend is en die proses vertraag. “Wees asseblief geduldig tydens die proses.”
’n Bekommerde voog het die afgelope week gevra: “’n Kind kan mos nie in Februarie met ’n skooljaar begin nie?”
Me. Sanet Steenkamp, die permanente sekretaris van onderwys, kuns en kultuur, sê sy het begrip dat ouers wat nog nie geholpe is nie, reeds angstig kan wees. Sy sê die ministerie gaan egter ook onder spanning gebuk. “Die toelatingskomitees is eweneens onder geweldige druk om navrae te hanteer,” sê sy.
Steenkamp sê inligting van skole word daagliks bygewerk om vas te stel waar daar oop plekke is.
Dit verg noukeurige aandag aan detail om te verseker dat leerlinge wat op die waglys is, geplaas kan word, sê sy. “Die ingewikkeldhede op die grond is beduidend. Werks- en leefomstandighede van ouers verander voortdurend en die druk om plek vir leerlinge te vind, plaas alle skole en beskikbare hulpbronne onder selfs meer druk.”
Sy sê die nuwe leerplan ís beter maar ook veeleisend.
Derhalwe moet ouers en versorgers – nou meer as ooit – hul kant bring om te verseker hulle ondersteun hul kinders en sorg dat daar genoeg tyd is om die inhoud te bemeester, vra sy. “Daar is geen tyd om te mors nie.”
Leerlinge wat eers aan die einde van Januarie geholpe sal raak, sal baie hard moet werk om seker te maak hulle haal verlore werk in en kom op peil, sê Steenkamp.
“Onderwysers sal hulle geduldig moet ondersteun. Meer doelgerigte pogings word van alle belanghebbendes verlang om nie net betyds hulpbronne te belê nie, maar ook te verseker leerdoelwitte word gehaal,” sê sy.
Hiernaas moet ouers van voornemende graad 8’s wat nog op plasing in dié streek wag, geduld aan die dag lê. “Die streekkantoor sal u kontak sodra ons plek vir u kind vind. Dit is nie nodig om na die streekkantoor toe te kom nie omdat ons al die besonderhede het.”
Só lui twee kennisgewings in die Frans Indongo-gebou, waar die direktoraat geleë is.
Die streekdirektoraat sê verder hy kan nie navrae op ’n individuele grondslag hanteer nie, aangesien dit tydrowend is en die proses vertraag. “Wees asseblief geduldig tydens die proses.”
’n Bekommerde voog het die afgelope week gevra: “’n Kind kan mos nie in Februarie met ’n skooljaar begin nie?”
Me. Sanet Steenkamp, die permanente sekretaris van onderwys, kuns en kultuur, sê sy het begrip dat ouers wat nog nie geholpe is nie, reeds angstig kan wees. Sy sê die ministerie gaan egter ook onder spanning gebuk. “Die toelatingskomitees is eweneens onder geweldige druk om navrae te hanteer,” sê sy.
Steenkamp sê inligting van skole word daagliks bygewerk om vas te stel waar daar oop plekke is.
Dit verg noukeurige aandag aan detail om te verseker dat leerlinge wat op die waglys is, geplaas kan word, sê sy. “Die ingewikkeldhede op die grond is beduidend. Werks- en leefomstandighede van ouers verander voortdurend en die druk om plek vir leerlinge te vind, plaas alle skole en beskikbare hulpbronne onder selfs meer druk.”
Sy sê die nuwe leerplan ís beter maar ook veeleisend.
Derhalwe moet ouers en versorgers – nou meer as ooit – hul kant bring om te verseker hulle ondersteun hul kinders en sorg dat daar genoeg tyd is om die inhoud te bemeester, vra sy. “Daar is geen tyd om te mors nie.”
Leerlinge wat eers aan die einde van Januarie geholpe sal raak, sal baie hard moet werk om seker te maak hulle haal verlore werk in en kom op peil, sê Steenkamp.
“Onderwysers sal hulle geduldig moet ondersteun. Meer doelgerigte pogings word van alle belanghebbendes verlang om nie net betyds hulpbronne te belê nie, maar ook te verseker leerdoelwitte word gehaal,” sê sy.
Kommentaar
Republikein
Geen kommentaar is op hierdie artikel gelaat nie