Calle kap Moody’s oor afgradering

12 August 2017 | Regering
Gister se besluit deur Moody’s om Namibië se langtermyn kredietstatus vanaf Baa3 na Ba1 af te gradeer, is heftig deur die minister van finansies, mnr. Calle Schlettwein, gekritiseer.
Volgens hom verdien die land nie hierdie rommelstatus nie.
Moody’s se hoofredes vir die besluit is die erosie van fiskale krag, die regering se groot skuldlas (42% van BBP) en ‘n verwagte toename in likiditeitsprobleme. Die agentskap sê verdere afgraderings is moontlik indien die land nie sy geldsake gou regruk nie.
Schlettwein sê binnelandse ekonomiese toestande regverdig nie ‘n afgradering nie.
Hy voer aan die verlaging in graderings is hoofsaaklik te weeg gebring deur miljarde dollar se uitstaande skuld aan diensverskaffers en Moody’s se bekommernis hoe die regering hierdie rekeninge gaan betaal. President Hage Geingob en Schlettwein het onlangs beloof dat alle skuld teen die einde van Augustus gedelg sal word.
Volgens Schlettwein het die regering talle stappe geneem om Moody’s se vorige verslag in Desember 2016 aan te spreek. Na sy mening moes Moody’s eerder toestande in diepte ondersoek het as om in hul kantore lessenaarsomme te doen.
Die minister het ook benadruk dat die begroting binnekort opnuut hersien sal word.
Die staat se groot salarisrekening – een van die grootste in Afrika en in baie middelinkomstelande – word ook deur Moody’s as ‘n bron van kommer uitgesonder. Ander faktore behels verwagte tekorte in inkomste uit Sacu se doeanepoel en moontlike oorbesteding weens die Swapo-kongres en 2019 se verkiesings. Laasgenoemde is volgens Schlettwein bog.
Die minister sê die verbetering in buitelandse reserwes en die vermindering van die begrotingstekort is heeltemal geïgnoreer.
Ander graderings is as volg afwaarts aangepas: langtermyn skuldeffekte en bankdepositoplafonne van A1 na A2, langtermyn bankdeposito’s in buitelandse valuta van Baa3 na Ba2 en langtermyn effekte in buitelandse geld van A3 na Baa2.

Soortgelyk

 

Haufiku ontken uitbetaling van N$1 miljard

11 ure gelede | Gesondheid

Berigte dat die minister van gesondheid en maatskaplike dienste, dr. Bernard Haufiku N$1 miljard aan ongeregistreerde verskaffers betaal het wat ook nie geregistreer was om...

Naam van man bekend wat in ongeluk sterf

17 ure gelede | Ongelukke

Die 41-jarige man wat Donderdag in ’n ongeluk op die Outjo-Otavi-grondpad gesterf het, is as Smit de Wet Louw identifiseer. Die kop-teen-kop-botsing wat sy lewe...

Khomasstreek oor grondeienaarskap

1 dag gelede | Landbou

Elvira Hattingh - “Buitelanders se plase moet outomaties onteien word en boere moet tot 50% eienaarskap van hul plase aan plaaswerkers afstaan ten einde grondhervorming...

Windhoek 'in gróót moeilikheid'

1 dag gelede | Regering

Denver Kisting – Terwyl die verbruiker voortaan tot 300% meer vir sekere dienste moet opdok, het die stadsvaders van die Windhoekse munisipaliteit (CoW) pas ’n...

Weer vir 20 Julie 2018

1 dag gelede | Weer

BINNELAND: Gedeeltelik bewolk en matig tot warm in die Zambezi-, Kavango- en oostelike streek. Elders sal dit sonnig en matig tot warm wees. Dit sal...

Reho se /Uirab ‘in die pad gesteek’

1 dag gelede | Plaaslik

Denver Kisting – Mnr. Christoph /Uirab, uitvoerende hoof van die Rehoboth-dorpsraad, het agt maande van sy termyn tuis deurgebring./Uirab, wie se laaste werksdag vandag is,...

Kalender 13 Julie

1 dag gelede | Kuns en vermaak

Nou aan die gang» Anin Namibia bied tans ’n uitstalling in die Omba-galery aan. Hierdie keer het hulle groepsborduurprojekte en maatskappye genooi om deel te...

Siba sprankel by ekspo

1 dag gelede | Kuns en vermaak

Eet, smul en knaag bly maar hoogtepunte in baie van ons se dag. Vir sommige is dit ’n uitdaging om kos te maak en ander...

Kortbroektreffers uit Rocco se pen

1 dag gelede | Kuns en vermaak

Die bekroonde en uiters begaafde pianis Rocco de Villiers is terug met ’n splinternuwe popalbum, wat nie net vir die eerste keer met ’n Afrikaanse...