Byna N$700 000 se kontant gebuit

Drie aangekeer

21 October 2019 | Misdaad
Denver Kisting – Samewerking tussen die polisie in die Zambezi- en die Kavango-Oosstreek het die naweek gehelp dat drie vermeende rowers binne 14 ure vasgetrek is.

Die koördineerder van misdaadondersoeke in Zambezi, adj.komm. Evans Simasiku, het gister gesê vier mans het Saterdagoggend op ’n winkelkompleks op Katima Mulilo toegeslaan.

Volgens hom was ’n veiligheidswag uit ’n winkel op pad om kontant aan veiligheidspersoneel buite die winkel te oorhandig toe hy deur die viertal oorval is.

Hulle het glo die wag se vuurwapen gegryp en hom daarmee gedreig waarná hy die kontant oorhandig het.

Teen gister is geen sent van die N$663 789,93 al teruggevind nie, het Simasiku bevestig.

Drie van die vermeende rowers is egter omstreeks 01:00, meer as 300 km van Katima Mulilo af by Divundu in die Kavango-Oosstreek in hegtenis geneem ná hulle aanvanklik daarin geslaag het om op die vlug te slaan.

Simasiku sê die polisie is steeds op soek na die laaste verdagte.

Dit blyk twee verskillende voertuie is in die rooftog gebruik, het hy gesê.

Volgens die polisiebeampte het een van die verdagtes die wag se vinger tydens ’n skermutseling met ’n onbekende voorwerp gesteek.

Niemand anders is tydens die voorval beseer nie, het Simasiku gesê.

Die drie verdagtes sal na verwagting môre in die landdroshof op Katima Mulilo verskyn.

Hulle is reeds Sondag van Divundu af na Katima Mulilo geneem.

- [email protected]

Soortgelyk

 

AgriBusDev-baas geskors

2 minute gelede | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...