Buurlande voel ook SA se probleme aan hul sak
Namibië se ekonomie het in die drie maande tot einde Junie vir die negende agtereenvolgende keer agteruit geboer.
Dit is nie net Suid-Afrikaners wat tans sukkel weens die land se ekonomiese ineensinking nie.
Sy buurlande – Lesotho, Namibië en eSwatini (voorheen bekend as Swaziland) – sukkel ook aangesien die waarde van hul geldeenhede aan dié van die rand vasgepen is.
Die rand is die geldeenheid wat vanjaar die slegste teenoor die dollar vaar.
Die drie lande verdien ook saam met Botswana inkomste uit die Suider-Afrikaanse doeane-unie.
Dié inkomste styg en daal afhangende van hoe Suid-Afrika handel dryf.
Suid-Afrika se ekonomie is tans in ’n resessie, maar die Reserwebank wil nie sy repokoers van 6,5% verlaag nie omdat hy sukkel om inflasie weens hoër ruoliepryse en ’n swakker rand in toom te hou.
Dit maak dit haas onmoontlik vir amptenare in Lesotho, Namibië en eSwatini om rentekoerse te verlaag.
Hulle moet koerse in lyn hou met dié van Suid-Afrika om die vaspen te handhaaf.
REPOKOERS
Botswana, wat nie sy geldeenheid aan die rand vaspen nie, het sy repokoers tot 5% verlaag.
“Lesotho en eSwatini bly baie vatbaar vir die gevolge van ontwikkelinge in die streek,” sê Jee-A van der Linde, ’n ekonoom by NKC African Economics in die Paarl.
Met dié dat Suid-Afrika die grootste bydrae tot die doeane-unie lewer, is dit “dus waarskynlik dat ander lande se inkomste oor kort termyn beïnvloed sal word,” sê hy.
Lesotho en eSwatini verdien sowat 40% van hul inkomste en Namibië en Botswana sowat 30% uit hierdie ooreenkoms.
Suid-Afrika het die afgelope vier jaar gemiddeld sowat R50 miljard per jaar aan die unie betaal.
Die tesourie het egter nou sy vooruitskattings vir die huidige en volgende fiskale jaar afwaarts aangepas en sê daar is ’n “materiële afwaartse risiko vir hierdie vooruitskattings” want die ekonomie groei nie soveel as voorheen voorspel is nie, sê Mamello Matikinca-Ngwenya, hoofekonoom by FNB.
Die Internasionale Monetêre Fonds (IMF) sê in sy nuutste vooruitsig hy verwag dat al die ekonomieë in die unie se ekonomieë vanjaar met minder as die helfte van die 3,1% gaan groei wat hy vir die res van Afrika suid van die Sahara voorspel.
Dit sluit Botswana uit.
NAMIBIë SE EKONOMIE
Namibië se ekonomie het in die drie maande tot einde Junie vir die negende agtereenvolgende keer agteruit geboer.
Dit is die langste agteruitgang sedert ten minste 2008.
Hoewel die Reserwebank daar gewoonlik dieselfde besluite oor hul rentekoers neem as sy eweknie in Suid-Afrika, het hy in April – vir die eerste keer sedert 2015 – van dié neiging afgewyk.
Hy het sy repokoers onveranderd op 6,75% gelaat.
Ipumbu Shiimi, president van die Namibiese Reserwebank, sê dit is gedoen om beleggers te lok.
Gerrit van Rooyen, ekonoom by NKC, sê die Namibiese dollar gaan baie weerbaar wees vir eksterne skokke sou hy nie aan die rand vasgepen word nie.
Die land het ’n klein ekonomie met baie gekonsentreerde nywerhede en uitvoer, sê hy.
Hoewel Namibië ’n ontwikkelde mynbousektor het en groter is as Frankryk in terme van oppervlak, het hy net 2,6 miljoen inwoners.
DIAMANTMYNE
Botswana trek weer voordeel uit sy diamantmyne. Hy is een van die rykste lande in Afrika wat betref inkomste per capita.
Dit is hoogs onwaarskynlik dat Lesotho, wat deur Suid-Afrika en eSwatini omring word, dit sal oorweeg om nie langer sy geldeenheid aan die rand vas te pen nie.
“Suid-Afrika dien as brandstofbank en uitvoerder van brandstof na Lesotho en Swaziland,” sê Van der Linde.
“Wat meer is, die meerderheid van Lesotho en Swaziland se produkte moet Suid-Afrika se grense oorsteek om hul finale bestemmings te bereik.” – Netwerk24/Bloomberg
Sy buurlande – Lesotho, Namibië en eSwatini (voorheen bekend as Swaziland) – sukkel ook aangesien die waarde van hul geldeenhede aan dié van die rand vasgepen is.
Die rand is die geldeenheid wat vanjaar die slegste teenoor die dollar vaar.
Die drie lande verdien ook saam met Botswana inkomste uit die Suider-Afrikaanse doeane-unie.
Dié inkomste styg en daal afhangende van hoe Suid-Afrika handel dryf.
Suid-Afrika se ekonomie is tans in ’n resessie, maar die Reserwebank wil nie sy repokoers van 6,5% verlaag nie omdat hy sukkel om inflasie weens hoër ruoliepryse en ’n swakker rand in toom te hou.
Dit maak dit haas onmoontlik vir amptenare in Lesotho, Namibië en eSwatini om rentekoerse te verlaag.
Hulle moet koerse in lyn hou met dié van Suid-Afrika om die vaspen te handhaaf.
REPOKOERS
Botswana, wat nie sy geldeenheid aan die rand vaspen nie, het sy repokoers tot 5% verlaag.
“Lesotho en eSwatini bly baie vatbaar vir die gevolge van ontwikkelinge in die streek,” sê Jee-A van der Linde, ’n ekonoom by NKC African Economics in die Paarl.
Met dié dat Suid-Afrika die grootste bydrae tot die doeane-unie lewer, is dit “dus waarskynlik dat ander lande se inkomste oor kort termyn beïnvloed sal word,” sê hy.
Lesotho en eSwatini verdien sowat 40% van hul inkomste en Namibië en Botswana sowat 30% uit hierdie ooreenkoms.
Suid-Afrika het die afgelope vier jaar gemiddeld sowat R50 miljard per jaar aan die unie betaal.
Die tesourie het egter nou sy vooruitskattings vir die huidige en volgende fiskale jaar afwaarts aangepas en sê daar is ’n “materiële afwaartse risiko vir hierdie vooruitskattings” want die ekonomie groei nie soveel as voorheen voorspel is nie, sê Mamello Matikinca-Ngwenya, hoofekonoom by FNB.
Die Internasionale Monetêre Fonds (IMF) sê in sy nuutste vooruitsig hy verwag dat al die ekonomieë in die unie se ekonomieë vanjaar met minder as die helfte van die 3,1% gaan groei wat hy vir die res van Afrika suid van die Sahara voorspel.
Dit sluit Botswana uit.
NAMIBIë SE EKONOMIE
Namibië se ekonomie het in die drie maande tot einde Junie vir die negende agtereenvolgende keer agteruit geboer.
Dit is die langste agteruitgang sedert ten minste 2008.
Hoewel die Reserwebank daar gewoonlik dieselfde besluite oor hul rentekoers neem as sy eweknie in Suid-Afrika, het hy in April – vir die eerste keer sedert 2015 – van dié neiging afgewyk.
Hy het sy repokoers onveranderd op 6,75% gelaat.
Ipumbu Shiimi, president van die Namibiese Reserwebank, sê dit is gedoen om beleggers te lok.
Gerrit van Rooyen, ekonoom by NKC, sê die Namibiese dollar gaan baie weerbaar wees vir eksterne skokke sou hy nie aan die rand vasgepen word nie.
Die land het ’n klein ekonomie met baie gekonsentreerde nywerhede en uitvoer, sê hy.
Hoewel Namibië ’n ontwikkelde mynbousektor het en groter is as Frankryk in terme van oppervlak, het hy net 2,6 miljoen inwoners.
DIAMANTMYNE
Botswana trek weer voordeel uit sy diamantmyne. Hy is een van die rykste lande in Afrika wat betref inkomste per capita.
Dit is hoogs onwaarskynlik dat Lesotho, wat deur Suid-Afrika en eSwatini omring word, dit sal oorweeg om nie langer sy geldeenheid aan die rand vas te pen nie.
“Suid-Afrika dien as brandstofbank en uitvoerder van brandstof na Lesotho en Swaziland,” sê Van der Linde.
“Wat meer is, die meerderheid van Lesotho en Swaziland se produkte moet Suid-Afrika se grense oorsteek om hul finale bestemmings te bereik.” – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie