Bussie brand uit

’n Minibus het Woensdag laatmiddag op Robert Mugabeweg uitgebrand. Die bussie, wat met passasiers vanuit Windhoek na Groot Aub op pad was, het glo naby Staatshuis onklaar geraak. Die bestuurder het toe na wat verneem word onder die voertuig ingeklim om ondersoek in te stel toe die bussie aan die brand slaan. Hy het brandwonde aan sy hande en arms opgedoen en is vir behandeling hospitaal toe geneem. Brandbestryders het die vlamme geblus, maar die bussie het heeltemal uitgebrand. Geen passasier is beseer nie. Foto verskaf