Bulpryse bult spiere in 2017

Agra gee oorsig van stoetveeveiling

13 March 2018 | Landbou
Die gemiddelde bulprys van N$41 473 wat in 2017 op Agra se stoetveeveilings behaal is, is die tweede hoogste sedert 1998. Slegs in 2012 is ‘n hoër gemiddeld van N$42 488 behaal.

Kopers was in 2017 bereid om ‘n premieprys vir goeie gehalte bulle te betaal, sê mnr. Kiep Lepen, agent vir Agra Stoetveedienste, in sy 2017-oorsigverslag.

Die aansienlik hoër speenkalfprys het daartoe bygedra dat kopers bereid was om ook meer vir teel- en kuddebulle te betaal. Hierdie verhoging in die beespryssiklus kon nie op ‘n gunstiger tyd gekom het nie en dit het finansiële verligting vir talle veeprodusente gebring.

Kopers was in 2017 bereid om vir goeie gehalte bulle N$40 000 en meer op Agra-veilings te betaal. Daarteenoor was die gemiddelde bulprys in 2016 N$31 786.

Die grafiek hiernaas toon die gemiddelde bulpryse oor die afgelope 20 jaar op Agra-stoetveilings.



Die duurste bul op ‘n Agra-veiling is verlede jaar vir N$210 000 verkoop, vergeleke met 2016 se duurste bul wat vir N$100 000 verkoop is. 2017 se duurste bul het uit die stalle van Hartebeestloop Bonsmaras gekom. ‘n Brahman-bul wat deur mnre. Günther Hellinghausen en Ryno van der Merwe geteel is, is ook verlede jaar op Agra se nasionale veiling vir N$190 000 van die hand gesit.

Gedurende 2017 het Agra Stoetveedienste ‘n totaal van twintig stoetveeveilings aangebied en 191 meer bulle as in 2016 verkoop. Dit was die meeste bulle wat per jaar sedert 2015 verkoop is. Die Gobabis Bonsmara-veiling, Hochfeld Gesamentlike Produksie-veiling, Boran Nasionale Veiling asook die Northern Select-veiling het almal 100% verkope opgelewer.

BULPRYSE PER RAS

Brahmantelers het die meeste bulle in 2017 op Agra-veilings verkoop (270 bulle) gevolg deur Bonsmara-telerss (112 bulle), Simmentaler-telers (82 bulle), Simbra-telers (46 bulle), Boran-telers (18 bulle) en Braunvieh-telers (10 bulle).

Gedurende 2017 het die 10 Braunvieh-bulle wat op Agra-veilings verkoop is, die hoogste gemiddelde prys van N$54 000 behaal. Daarteenoor is in 2016 tien (10) Braunvieh-bulle vir gemiddeld N$27 500 verkoop.

Altesaam 112 Bonsmara bulle is op Agra-veilings vir ‘n gemiddeld van N$48 464 in 2017 verkoop (in 2016 is 99 bulle vir gemiddeld N$35 171 verkoop), 1 Braford is vir N$48 000 (in 2016 is 1 bul vir N$24 000 verkoop) en twee Sussex-bulle is vir ‘n gemiddeld van N$ 44 000 (in 2016 is vier Sussex-bulle vir gemiddeld N$20 750 verkoop).

In 2017 is 18 Boranbulle vir gemiddeld van N$43 888 op Agra-veilings verkoop, (in 2016 is 5 bulle vir gemiddeld N$25 700 verkoop), 82 Simmentalerbulle is vir gemiddeld N$40 378 verkoop, (in 2016 is 48 Simmentalerbulle vir gemiddeld N$25 083 verkoop) en 9 Santa Gertrudis-bulle is teen ‘n gemiddeld van N$40 000 verkoop (in 2016 is een bul vir N$30 000 verkoop).

Altesaam 270 Brahmanbulle is in 2017 vir gemiddeld N$39 624 op Agra-veilings verkoop, (in 2016 is 153 bulle vir gemiddeld N$31 594 verkoop), 3 Charolaisbulle is vir gemiddeld N$36 666 verkoop (in 2016 is drie bulle vir gemiddeld N$26 000 verkoop) en 46 Simbra-bulle is vir ‘n gemiddeld van N$35 5100 verkoop (in 2016 is 39 bulle vir gemiddeld N$33 333 verkoop).

Een van die mees gesogste prestasies in stoetveekringe is om die hoogste gemiddelde prys vir bulle op ‘n enkele veiling te verdien. Mnr. Len de Jager het vier bulle op die Paresisveiling vir ‘n gemiddeld van N$78 250 verkoop. Eweneens het dr. Joggie Briedenhann 32 bulle teen ‘n gemiddeld van N$70 875 verkoop.

Soortgelyk

 

Lira op Warehouse-verhoog

1 uur gelede | Kuns en vermaak

Die bekende Suid-Afrikaanse sangsensasie, model, aktivis, entrepreneur en skrywer Lira tree eerskomende Woensdagaand 14 Maart om 20:00 by die Warehouse-teater op. Lira het veral vir...

Ses sterf in grubotsing

17 ure gelede | Ongelukke

Ses mense is in ’n kop-teen-kop-botsing vanoggend tussen Okahandja en Windhoek dood. Een van die voertuie het ná die botsing aan die brand geslaan. Na...

SDFN houses at Kalkfeld nearing completion

17 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

17 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

17 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

17 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

17 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

17 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

17 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...