Bulle sonder Duane as 2021-seisoen begin

19 February 2021 | Sport
Cobus Claassen – Die Bulle gaan die 2021-seisoen met ’n nuwe kaptein begin nadat die Springbok-agtsteman Duane Vermeulen ’n knieoperasie ondergaan het.
Vermeulen, wat dié span verlede maand tot Curriebeker-glorie gelei het, gaan nie vir die Bulle in die komende voorbereidingsreeks speel nie.
Edgar Rathbone, uitvoerende hoof van die Blou Bulle Maatskappy, sê Vermeulen het sy knie “laat skoonmaak” en sal vir sowat ses weke nie vir die span beskikbaar wees nie.
Daar is steeds hoop in Suid-Afrikaanse rugby dat die Reënboogbeker-kompetisie, wat ’n mini-Pro16-reeks sal wees, op 17 April sal afskop.
Vermeulen sal teen daardie tyd weer op sy pos wees om vir die Bulle voor te draf.
Arno Botha of Trevor Nyakane kan die span in Vermeulen se afwesigheid aanvoer.
By Loftus Versfeld is die plan om ’n paar jong spelers in die voorbereidingsreeks blootstelling te gee.
’n Speler soos die jong Muller Uys, wat al verlede jaar vir die Bulle Superrugby gespeel het, sal straks ’n kans kry om sy aanspraak op ’n plek in die beginspan te verstewig.
Die Bulle begin dié plaaslike kompetisie op 27 Februarie met ’n tuiswedstryd teen die Oostelike Provinsie Olifante.
Daar is ook spelers wat ’n langer voorseisoen gegun word, gegewe die Curriebeker-eindstryd wat op 30 Januarie beslis is.
Die Bulle is intussen steeds in die mark vir ’n plaasvervanger vir die Bok-skrumskakel Ivan van Zyl, wat in Junie na Engeland verhuis om vir Saracens te gaan speel.
Francois Hougaard het na wat verneem word besluit hy gaan nie terugkeer Pretoria toe nie en wil eerder in Brittanje aanbly om vir Britse burgerskap te kwalifiseer.
Zak Burger, Griekwas se belowende skrumskakel, is nou glo op die Bulle se radar.
Daar word verneem die Leeus stel ook in Burger belang. Die Poubloues se nr. 9 was een van die uitblinkers in die Curriebeker-reeks.
Hy is wel nog tot einde aanstaande jaar by die span van Kimberley gekontrakteer en is een van dié unie se topspelers.
Ofskoon Hougaard (32), wat vir die Worcester Warriors in Engeland speel, se ervaring en kennis van die toestande in die Noordelike Halfrond van groot waarde vir die Bulle in die Pro-reeks kon wees, word Burger, ’n Junior Bok in 2018, as ’n beter belegging op lang termyn beskou.
Die Springbokke Johan Goosen en Marcell Coetzee sal nie vroeër van hul kontrakte by Montpellier en Ulster vrygestel word nie en sal eers teen Junie by die Bulle aansluit.
– Netwerk24


FOTO
Die Springbok Duane Vermeulen gaan nie vir die Bulle in die komende voorbereidingsreeks speel nie. Foto Gallo Images

Soortgelyk

 

Okavango-alliansie vra vir moratorium op oliesoektog

1 uur gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

3 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

3 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

4 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

6 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

14 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...

Vrou woon in haar motor by hospitaal

14 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

14 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

14 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...