Bulle kies sneltrein Rosko op vleuel teen Stormers

14 February 2019 | Sport
Cobus Claassen - Die Blitsbok Rosko Specman sal Saterdag op Loftus Versfeld sy Superrugby-debuut vir die Bulle teen die Stormers maak.

Pote Human, hoofbreier van die Bulle, het Specman, Warrick Gelant en Johnny Kotze as die agterste drie gekies.

Embrose Papier word op skrum­skakel verkies en Human het Hanro Liebenberg as die nr. 7-flank ingesluit.

Die ervare Springbok Schalk Brits het van sy kuitbesering herstel en is saam met Corniel Els die hakers in die Bulle se 23-tal.

Els, Simphiwe Matanzima, Eli Snyman en Dylan Sage sal hulle Superrugby-buiging maak, sou hulle wel Saterdag as plaasvervangers opgestuur word.

Bulle: Warrick Gelant, Johnny Kotze, Jesse Kriel, Burger Odendaal, Rosko Specman, Handré Pollard, Embrose Papier, Duane Vermeulen, Hanro Liebenberg, Ruan Steenkamp, Lood de Jager (k), Jason Jenkins, Trevor Nyakane, Schalk Brits, Lizo Gqoboka. Reserwes: Corniel Els, Simphiwe Matanzima, Dayan van der Westhuizen, Eli Snyman, Thembelani Bholi, Ivan van Zyl, Manie Libbok, Dylan Sage.

• As die Stormers se Ruhan Nel senuagtig is oor die vooruitsig om Saterdag die Bulle se middelveld-spiertier, Jesse Kriel, in die oë te kyk, steek hy dit verbasend goed agter 'n breë glimlag weg.

“Ek het op die Springbok-jaareindtoer teen Jesse geoefen. Hy's 'n baie talentvolle speler, wat sy taak werklik goed verstaan. Ek besef dit gaan taai wees. Jesse put baie trots uit sy werk,” sê Nel.

“Dis ons eerste Superrugby-wedstryd van die seisoen en ek maak my buiging teen die Springbok-buitesenter, so ja, dit gaan 'n goeie uitdaging wees.”

Vir Nel, 'n voormalige Blitsbok, gaan dit sy grootste uitdaging in vyftienmanrugby wees. Hy het die afgelope twee seisoene vir die Westelike Provinsie in Curriebeker-eindstryde gespeel, maar die standaard in die Superreeks is aansienlik hoër.

Dan weer het Rassie Erasmus, die Bok-afrigter, al genoeg van Nel gesien om hom op 2018 se toer Noordelike Halfrond toe te neem.

Terwyl Nel se spiere nie soveel bult soos Kriel s'n nie, beteken dit allermins dat hy nie taai is nie. Inteendeel, soos ander Blitsbokke kan hy meer as sy man staan en oefen hy kliphard.

Nel meen dit kan hom baie baat om die Bok-binnesenter Damian de Allende aan sy binnekant te hê.

“Ek is baie opgewonde daaroor om saam met Damian te speel. Dis vir enige buitesenter 'n droom om die Bokke se binnesenter langs hom te hê. Sy ervaring gee my ook baie rustigheid. Ons het 'n paar wedstryde saam in die Curriebeker-reeks gespeel en mekaar ook 'n bietjie leer ken op die jaareindtoer,” sê Nel.

De Allende en Kriel is as die Bokke se voorkeur-senterpaar ook goeie maats, maar 80 minute se intense vyandskap is die onmiddellike vooruitsig.

Saterdag se derby het ook 'n bietjie meer van 'n angel danksy 2018 se Curriebeker-halfeindstryd tussen die WP en Blou Bulle op Nuweland. Die Bulle het byna vir 'n yslike opskudding gesorg, maar uiteindelik die knie voor die Streeptruie ná 'n strafdoel in bykomende tyd gebuig. – Netwerk24

Soortgelyk

 

Houtskoolbedryf sien enorme groei

2 dae gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

2 dae gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

2 dae gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

2 dae gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

2 dae gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

2 dae gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

2 dae gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

2 dae gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

2 dae gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...