Buitelanders oorheers tenderaansoeke

25 firmas wil bou en opknap

27 February 2019 | Infrastruktuur
Ogohne Tlhage - Altesaam 25 maatskappye is op die kortlys vir die bou en opgradering van die Walvisbaai-Kranzberg-spoorlyn, asook die bou van 'n nuwe pad na die Internasionale Lughawe Hosea Kutako.

'n Chinese firma, China Harbor Engineering Company, is op die kortlys vir albei projekte.

Hy het 'n gesamentlike aanbod met die plaaslike maatskappy Roadhart CC vir die spoorwegprojek ingedien. Die ander plaaslike maatskappy vir die spoorwegprojek is D & M Rail. Hy het 'n gesamentlike aanbod met China Jiangxi en China Henan ingedien.

Slegs twee plaaslike maatskappye is op die kortlys vir die lugahwepadprojek, naamlik NCR en Top International Engineering Namibia. Die ander maatskappye op die kortlys sluit in Portugese, Spaanse en Indiese firmas, terwyl 12 Chinese maatskappye die lys voltooi.

Altesaam 16 firmas is op die kortlys vir die lughawepad en nege vir die spoorlynprojek, met 17 Chinese maatskappye wat alleen of in gesamentlike ondernemings met ander getender het.

D & M Rail Construction is in 2014 deur TransNamib aangestel om die Kranzberg-Tsumeb-spoorlyn teen N$200 miljoen op te gradeer, het The Namibian berig. Die maatskappy word deur Investec Namibia se uitvoerende hoof, mnr. James Hatuikulipi, besit.

Die Afrika-ontwikkelingsbank (AfDB) het aanvanklik vereis dat maatskappye 'n gemiddelde omset van N$631 miljoen moet hê, wat plaaslike firmas uitgesluit het. Daar is ook van maatskappye verwag om 'n maandelike kontantvloei van N$53 miljoen te hê.

Hierdie vereistes is verlaag toe die minister van finansies, mnr. Calle Schlettwein, ingetree het.

Die uitvoerende hoof van die Paaieowerheid (RA), mnr. Conrad Lutombi, wou nie kommentaar lewer nie.

'PROSES DUUR VOORT'

Die ministerie van werke en vervoer se uitvoerende direkteur, mnr. Willem Goeiemann, het gesê die proses om 'n kontrakteur te kies, duur voort.

“Ons is nog nie klaar nie, ons het nog nie eens die ministers ingelig nie. Die proses is nog nie voltooi nie,” het hy kortliks gesê.

Beide projekte word gedeeltelik gefinansier deur die Afrika-ontwikkelingsbank met 'n lening van N$2 miljard, wat in Desember 2017 goedgekeur is.

Verlede jaar het die Federasie van die Konstruksiebedryf van Namibië (CIF) die regering gevra om AfDB te pols om die vereistes vir die twee tenders te verslap.

“Die tendervereistes . . . is van so 'n aard dat hulle outomaties alle Namibiese kontrakteurs uitsluit,” het CIF se algemene sekretaris, me. Bärbel Kirchner, gesê.

Die opgradering van die spoorlyn tussen Walvisbaai en Kranzberg sal vrag- en passasierverkeer bespoedig.

Die huidige spoorlyn, van smalspoorlyn-standaard, is laas in die sestigerjare opgeknap, en is met sy huidige spoedbeperkings 'n infrastruktuur-bottelnek wat tot verhoogde vervoerkoste lei.

Ná opgradering sal vragtreine tot 80 km/h kan ry en passasiers kan 'n spoed van tot 100 km/h geniet. Die spoorlynopgradering sal oor drie jaar geskied.

Vir die beplande lughawepad sal 'n nuwe dubbelsnelweg met twee bane in elke rigting 'n opsie vir 'n derde baan in die toekoms insluit, wat oor 'n tydperk van 42 maande gebou sal word. Die bestaande pad sal as alternatief vir plaaslike verkeer behou word.

Die Chinese regering het infrastruktuurfinansiering van N$10 miljard vir die regering deur sy Een gordel, een pad-projek toegestaan.

As die regering dit gaan gebruik, sal 'n deel hiervan die opgradering van die Internasionale Lughawe Hosea Kutako finansier.

Soortgelyk

 

Antjie Krog plaas gewraakte toespraak in konteks

5 ure gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

19 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

19 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

19 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

19 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

19 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

19 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

19 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

19 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...