Bring Trevor terug, vra ekonome oor Nene

‘Rand sal met nuwe minister verstewig’

10 October 2018 | Ekonomie
Elvira Wood – Die vraag is nie oor óf Nhlanhla Nene, minister van finansies, van sy pligte onthef gaan word nie, maar eerder wie die nuwe minister van finansies gaan wees.

Die oorgrote meerderheid van ekonome wat Maandagoggend aan Netwerk24 se peiling oor die toekoms van Nene as minister van finansies deelgeneem het, meen hy gaan nie langer dié pos vul nie.

Business Day het Maandagoggend berig Nene het die afgelope naweek vir pres. Cyril Ramaphosa gevra om hom van sy pligte te onthef.

Dit volg nadat hy Vrydag voor die Zondo-kommissie van ondersoek oor staatskaping getuig het hy het verskeie kere met die omstrede Gupta-familie vergader.

“Mnr. Nene het geen ander keuse nie; hy moet gaan. Geen beleggingstrategie of werkskeppingsberaad sal enige voordeel bring terwyl Suid-Afrika onder die wolk van Nene is nie,” sê Jannie Rossouw, hoof van die skool vir ekonomiese en sakewetenskappe by die Universiteit van die Witwatersrand.

“Dit bevestig weer: Moenie op prinse vertrou nie.

“Ekonomiese toestande sal verbeter as Nene gaan, maar dis belangrik wie hom vervang,” sê hy.

Rossouw meen daar is drie goeie kandidate wat Ramaphosa kan oorweeg.

“Bring Trevor Manuel terug; bring Mcebisi Jonas terug; stel Lesetja Kganyago aan as minister van finansies. Daar is genoeg kundigheid by die Reserwebank vir ’n volgende president. Daniel Mminele kan vir dié pos oorweeg word,” sê Rossouw.

Richard Downing, ekonoom by Econodow, dink ook Manuel is ’n goeie kandidaat.

Mediumtermynbegrotingsrede

Nene se uittrede sal volgens Rian le Roux, beleggingstrateeg by Old Mutual Beleggingsgroep en Sake se Ekonoom van die Jaar, nie veel van ’n invloed op die ekonomie hê nie, “maar die nuwe aanstelling gaan belangrik wees vir vertroue”.

Le Roux sê die mediumtermynbegrotingsrede (MTBR) wat Nene op 24 Oktober voor die parlement sou lewer, is waarskynlik reeds amper gefinaliseer.

“Die MTBR se dokumentasie is waarskynlik reeds ver mee gevorder en ’n nuwe minister sal nie enige invloed daarop kan hê oor die volgende twee weke of so nie. ’n Nuwe minister kan eers met die begroting van 2019 sy of haar invloed laat geld, sou hy of sy dit wou doen,” sê Le Roux.

Wichard Cilliers, direkteur by TreasuryOne, sê die tydsberekening om die minister van finansies reg voor die MTBR te vervang, is nie ideaal nie.

Die rand

Wat betref die waarde van die rand, meen Le Roux hoewel die grootste invloed op die rand tans eerder eksterne gebeure is, help Nene se erkennings nie die rand nie.

“Sy erkennings wys hoe diep staatskaping gestrek het. Om sulke gewortelde probleme heeltemal om te keer sal moeilik wees en waarskynlik lank duur.”

Dawie Klopper, beleggingsekonoom by PSG Wealth, meen die rand gaan vir eers verswak waarna dit gaan afhang wie Ramaphosa in Nene se plek aanstel.

Lumkile Mondi, senior lektor in ekonomie by die Universiteit van die Witwatersrand, sê hy dink die rand gaan verstewig nadat ’n nuwe minister aangestel is.

Die rand het wel gedurende die loop van die oggend reeds met 20c tot R14,94 teenoor die dollar verswak in reaksie op gerugte dat die minister moontlik gaan bedank.

Nene moet bly

Fanie Brink, onafhanklike landbou-ekonoom, meen Nene moet ongeag die gebeure steeds in sy pos bly.

“Ons sal baie dankbaar kan wees as Nene nie sy pos sou verlaat of hoef te ontruim nie omdat hy nog altyd ’n baie kundige en gerespekteerde minister van finansies was.

“Dit sal baie moeilik wees om die regte persoon te kry wat sy skoene sal kan volstaan.

“Hy het die land baie goed gedien en feitlik van finansiële ondergang gered toe hy sy man teen Zuma gestaan het oor die kernkragplan.

“As hy aanbly, sal dit baie nuwe beleidsonsekerheid verhoed wat andersins tot die verdere afgradering van die land se beleggingstatus aanleiding sou gee.

“Ons moet hom vergewe soos hy versoek het sodat hy met die uitvoering van sy pligte kan voortgaan,” sê hy. – Netwerk24

Soortgelyk

 

Staat vra hof om minister skuldig te bevind

21st of May 14:47 | Howe

Adjunk-aanklaer-generaal Ed Marondedze het vroeër vandag vir regter Christie Liebenberg gevra om vir me. Katrina Hanse-Himarwa skuldig te bevind aan korrupsie.Dít kom nadat die staat...

Brian Finch privaat gegroet

2 ure gelede | Kuns en vermaak

Die musieklegende Brian Finch, wat vroeër vandeesweek sy stryd teen kanker verloor het, gaan tydens ’n private seremonie ter ruste gelê word. Volgens ’n plaaslike...

NSFAF beperk finansiering

2 ure gelede | Onderwys

Die Finansiële Hulpfonds vir Namibiese Studente (NSFAF) sal eerskomende Vrydag ’n lys van 2 925 nuwe begunstigdes beskikbaar stel. Die byna 3 000 gelukkiges word...

Eis van miljoene ná miskraam

14 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

14 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

14 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

14 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

14 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

14 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...