Bring eers al die skedels terug – Hoffmann

Behoorlike begrafnis nodig

11 July 2018 |
Catherine Sasman



Die stigter van die Nama-volksmoordonderhandelinge en voorsitter van die Nama-volksmoord se tegniese komitee, me. Ida Hoffmann, sê alle menslike oorskot van Namibiese oorsprong wat steeds in Duitsland is, moet teruggestuur word voor onderhandelinge oor vergoeding kan plaasvind.

“Die kwessie wat ons hanteer, is 'n heilige saak. Vir ons is dit 'n gewyde en edele saak en dit moet met waardigheid en respek hanteer word. Ons voorvaders sal nooit namens hulself kan praat nie. Ons is hul stemme en alles wat ons doen, moet met eerlikheid gedoen word,” het Hoffmann verlede week gesê.

Sy verwys na 'n onlangse verklaring wat glo deur die Duitse spesiale gesant vir die volksmoordonderhandelinge, mnr. Ruprecht Polenz, gemaak is wat lui dat die volgende besending van 22 Namibiese skedels uit Duitsland aan die einde van Augustus na Namibië gestuur sal word.

Sy het bygevoeg daar is nog heelwat meer skedels in Duitsland wat terug­gestuur moet word.

Die eerste besending van 20 skedels is in Oktober 2011 teruggestuur en in Maart 2012 nóg 35 skedels.

Sy het gesê daar is steeds 14 skedels by die Universiteit van Freiburg, wat reeds in 2011 gereed was om terug­gestuur te word.

Nóg drie skedels is by die Universiteit van Freifswald geïdentifiseer en nóg by die Focke-museum in Bremen.

Hoffmann het gesê daar is ook skedels in Hamburg, Frankfurt en Amerika.

“Hoekom word Namibiese oorskot bietjie vir bietjie teruggebring?” vra Hoffmann.

Sy het herhaal dat alle menslike oorskot terugbesorg moet word voordat werklike besprekings oor vergoeding

kan plaasvind.

“Gewoonlik praat jy nooit oor erfstukke terwyl die liggaam steeds in die lykshuis is nie. Ons voorouers se liggame is steeds in universiteite en museums se lykshuise. Dit is oneerbiedig teenoor ons voorvaders, wat 'n behoorlike begrafnis nodig het,” het sy gesê.

Sy het gesê wat ook al die vergoeding behels wat die Duitse regering instem om te betaal, sal die Ovaherero en Nama se erfenis wees.

Hoffmann betreur die feit dat daar nog nooit enige formele begrafnis vir die voorvaders se menslike oorskot gehou is nie, behalwe vir die 24 sakke beendere wat deur die Paaiekontrakteursmaatskappy (RCC) by padwerke in die Suide gevind is.

Dit is in 11 doodskiste deur Hoffmann en wyle hoofman Dawid Fredericks sonder die regering of ander tradisionele owerhede se hulp begrawe.

Sy het gesê 'n aantal beendere is ook by Charlottenbaai naby Lüderitz gevind wat nog nie gaan haal is of met die nodige respek hanteer is nie.

“Watter speletjie speel die ­Namibiese regering? Waarom is die menslike oorskot, tesame met die dokumente en Witbooi se Bybel wat in die Linden-museum in Stuttgart is, nog nie teruggestuur nie? Stel die regering kwessies uit?” het Hoffmann gevra.

Soortgelyk

 

Honderde miljoene vir veevoer nodig

20 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

20 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

20 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

20 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

20 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

20 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

20 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

20 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

20 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...