Brexit maak nuwe deure oop, sê gesant

Geingob kry besoek

10 January 2020 | Regering
Denver Kisting – Handelsbetrekkinge tussen die Verenigde Koninkryk (VK) en Namibië was die afgelope week op die voorgrond tydens ’n welwillendsbesoek aan Staatshuis.

Mnr. Andrew Stephenson, die Britse minister van internasionale ontwikkeling en die buitelandse kantoor van die Statebond, het tydens dié besoek aan pres. Hage Geingob gesê Brexit sal vir die eerste keer in dekades die VK die geleentheid bied om hul eie handelsbeleidsrigtings te bepaal.

“Brexit is ’n geleentheid vir ons om ons gevestigde betrekkinge te versterk. Ons hoop om binnekort ’n nuwe handelsprogram aan te kondig.”

Hy sê hul premier, mnr. Boris Johnson, het die versekering gegee “daar moet geen onderbreking wees in handel soos ons die EU verlaat nie”.

Volgens hom hoop hy samewerking tussen die twee lande stel VK-maatskappye in staat om in Namibië sake “vir gedeelde welvaart” te doen.

Geingob het gesê baie lande hou asem op om die weg vorentoe te sien ná die VK die Europese Unie (EU) verlaat het.

Die president het gesê samewerking moet op plaaslike waardetoevoeging geskoei wees.

“In die toekoms sal ons kyk na vennootskappe waar ons waarde tot ons grondstowwe kan toevoeg.”

Luidens data van die Britse kommissariaat in Windhoek het Namibiese uitvoere na die VK in 2018 VS$469,52 miljoen beloop, terwyl invoere van die VK daardie jaar VS$198,68 miljoen was. Teen die destydse wisselkoers is dit onderskeidelik N$6,174 miljard en N$2,65 miljard.

Die uitvoersyfers sluit egter heruitvoere in, wat toe meer as N$5 miljard beloop het.

Dít kom op ’n handelsbalanstekort neer.

Volgens dié inligting het Namibië in daardie jaar hoofsaaklik grondstowwe, diamante, beesvleis, vis, houtskool en landbouprodukte na die VK uitgevoer.

Geingob sê een van Namibië se vernaamste uitdagings is werkloosheid in die algemeen – veral wat die jeug betref. “Dis die krisis wat ons in die gesig staar.”

Hy het gesê hy is bly Johnson weet van Namibië se bestaan.

“Dit is baie goed dat die premier weet daar is (’n) Namibië iewers,” het hy Woensdag by Staatshuis gesê.

Stephenson sê die VK vind Namibië aantreklik weens onder meer die plaaslike vlak van mediavryheid wat syns insiens dié van sy land oortref.

Namibië se bevrydingstryd het deels gehandel oor mediavryheid en die vryheid van uitdrukking, het Geingob gesê.

“Ons was kampvegters vir ’n vrye pers.”

Tog is dit belangrik dat die plaaslike media moet groei en te alle tye professioneel moet optree, het Geingob gemaan.

Onderskeid moet getref word tussen byvoorbeeld ’n nuusberig en redaksionele kommentaar, sê Geingob.

Volgens hom is daar deesdae selde ’n verskil.

Solank hy aan bewind is, sal die media vry bly, sê Geingob.

Op die onderwysfront het die president gesê Namibië het baie werklose gegradueerdes, daarom die fokusverskuiwing na tegniese vaardighede.

“Mense moet opgelei word om hul hande te gebruik.”

Hoewel geslagsbalans moeilik is, sal vroueregte aanhou voorkeur geniet, het Geingob gesê.

“Vroue is magtige mense.”

Stephenson het gesê hul nuwe handelsprogram sal opnuut klem op die bemagtiging van vroue sowel as ekonomiese aangeleenthede plaas.

[email protected]

Soortgelyk

 

Damme voller

7 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

7 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

7 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

7 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

7 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

7 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

7 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

7 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

7 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...