Brexit: Koebaai EU, hallo Afrika

Handelsooreenkoms met Sacu, Mosambiek

05 September 2018 | Politiek
Ronelle Rademeyer - Wanneer Brittanje die Europese Unie (EU) verlaat (Brexit), tree ’n nuwe handelsooreenkoms met lande in die Suider-Afrikaanse Doeane-unie (Sacu) en Mosambiek in werking.

Die nuwe ooreenkoms sal verseker handel tussen Brittanje en dié lande kan voortgaan wanneer eersgenoemde hom nie meer op die Ekonomiese Vennootskapsooreenkoms (EPA) kan beroep nie.

Dié aankondiging is laat Maandag deur die Britse minister van internasionale handel, mnr. George Hollingbery, gemaak in ’n verklaring wat deur dié land se hoë kommissaris in Namibië, me. Kate Airey, uitgereik is.

Britse verbruikers sal dus steeds kan weglê aan kasjoeneute uit Mosambiek, appels uit Suid-Afrika en beesvleis uit Namibië, sê Hollingbery.

Die handel in goedere en dienste tussen Namibië en Brittanje beloop reeds jaarliks sowat £70 miljoen, of nagenoeg N$1,4 miljard.

Brittanje is byvoorbeeld een van die markte waarheen Meatco topklas- beesvleissnitte uitvoer en ’n leweringsooreenkoms is pas met Greene King, een van die grootste groepe in die Britse pub- en restaurantbedryf, gesluit.

Hollingbery het die Britse premier, me. Theresa May, verlede week op haar besoek aan Suid-Afrika, Nigerië en Kenia vergesel.

Hy het in Botswana met me. Bogolo Kenewendo, dié land se minister van beleggings, handel en nywerheid, as verteenwoordiger van Sacu (Namibië, Suid-Afrika, Botswana, Lesotho en Swaziland) en Mosambiek vergader.

Hulle het ’n gesamentlike onderneming onderteken vir die finalisering van die oorskakelingsooreenkoms, wat in werking sal tree die oomblik as die EPA nie meer op Brittanje betrekking het nie.

“Ons het saamgestem dit is belangrik dat wanneer die Verenigde Koninkryk die EU verlaat, ons die sterk grondslag van ons ekonomiese betrekkinge behou en daarop voortbou ter wille van wedersydse voorspoed,” sê Hollingbery in sy verklaring.

Volgens hom is die vennootskap tussen Brittanje en Afrika presies wat dit sê dit is: ’n vennootskap. “Ons bou op die noue samewerking wat gegrond is op gedeelde voorspoed en sekuriteit.

“Ons wil sterk ekonomieë in Afrika sien waarmee Britse maatskappye vrylik en regverdiglik kan handel dryf.”

Hollingbery het daarop gewys dat sy regering langtermynbeleggings deur Britse maatskappye in Afrika wil sien, wat sal help om werkgeleenthede te skep, plaaslike ekonomieë te bevorder en kapasiteit vir die toekoms te bou.

Terselfdertyd wil Brittanje toesien dat Afrika se jongmense gereed is om hierdie nuwe geleenthede tot hul voordeel te benut, sê hy.

Volgens hom is dit ook waarom sy regering buiten die onderhandelinge vir die nuwe handelsooreenkoms, £5,5 miljard (sowat N$106 miljard) se finansieringshulp aan agt markte in Afrika beskikbaar gaan stel om handel te steun.

As deel hiervan sal geld in ’n voorspoedfonds van £8 miljoen (sowat N$155 miljoen) aangewend word om die handelstruikelblokke uit die weg te ruim ten einde handel binne Suider-Afrika, maar ook met Brittanje, te bevorder,” sê hy.

Soortgelyk

 

Krisis met toetse vir hondsdolheid

12 ure gelede | Plaaslik

Ronelle Rademeyer - Namibië staar ’n nasionale krisis in die gesig aangesien geen toetse vir hondsdolheid tans by die sentrale veeartsenylaboratorium in Windhoek gedoen kan word nie. Dr....

Prins William is hier

12 ure gelede | Plaaslik

Francoise Steynberg - Prins William van Brittanje is in Namibië om die internasionale gemeenskap se oë op Namibië se ikoniese spesie, die swartrenoster, te vestig....

EES kook op Duitse X-Factor

12 ure gelede | Kuns en vermaak

Tanja BauseDie Namibiese kwaitokunstenaar EES het na die finale regstreekse uitsending van X-Factor Duitsland deurgedring. EES en sy Yes-Ja!-band werk tans hard daaraan om hulself...

Vermeende stroper doodgeskiet

12 ure gelede | Misdaad

Tanja Bause – Daar word beweer die 73-jarige eienaar van die plaas Senderling by Kamanjab het Saterdag om 11:30 die Angolese burger mnr. Tuayunda Mbwale...

Weer vir 25 September

12 ure gelede | Weer

WEERWAAK: Hittegolftoestande sal na verwagting oor die noordelike streke voortduur.BINNELAND: Mooiweer en baie warm in die verre Noord- en Suidweste, andersins gedeeltelik bewolk en baie...

Laughter is the best medicine

12 ure gelede | Gesondheid

Henriette Lamprecht – It’s contagious and good medicine – not only for the body, but for the mind and soul as well. It lightens your...

Smelling the roses is not just a pipe dream

12 ure gelede | Gesondheid

In today’s rat race it’s easy to lose your way in the daily grind while trying to keep your head above water. Our responsibilities as...

Een maand ná Avihe

12 ure gelede | Misdaad

Denver Kisting – Me. Jessica Kaimu, ousus van die vermoorde Avihe Ujaha, sê die familie probeer steeds hul voete vind ná die tragedie wat die...

Elizabeth Bay-myn se dae getal

12 ure gelede | Plaaslik

Ogone Tlhage – Produksie by Namdeb se Elizabeth Bay-myn wat aan die begin van die jaar te koop aangebied is, is intussen gestaak terwyl diamante...