Brandbestrydingsreëls streng afgedwing

Inwoners wou redeliker benadering hê

12 September 2018 | Infrastruktuur
Eienaars van deeltiteleenhede, ofte wel verkopers en eienaars hiervan, was onlangs in rep en roer ná die Windhoekse munisipaliteit begin weier het om munisipale klaringsertifikate uit te reik vir sogenaamde ongemagtigde toevoegings of foutiewe installering van brandbestrydingstoerusting en brandkrane.

Die inwoners meen dit is onredelik van die munisipaltieit om klaring skielik te weier sonder dat vroegtydig kennis hiervan gegee is – veral omdat sertifikate voorheen uitgereik is op grond van bestaande infrastruktuur en installasies.

Die hoof- veiligheidsbeampte van Windhoek se brandweer, mnr. Tangeni Uusiku, het dit só tydens ‘n onderhoud verduidelik:

“Hierdie is ‘n baie klein, dog belangrike afdeling. Volgens my moes dit groter gewees het omdat ons altyd baie besig bly. Ek is dus nie verras as sertifikate in die verlede in goedertrou aan ontwikkelaars uitgereik is, net om nou te ontdek dat hierdie vertroue misbruik is nie.

“Ons moet hierdie omstandighede egter pak en ons sake in orde kry in die belang van inwoners se veiligheid.”

Derhalwe reik Uusiku nie meer klaringsertifikate uit sonder dat hy seker is wooneenhede se beheerliggame voldoen aan die vereistes van die wet nie.

MUNISIPALITEIT SWYG

Die vraag is egter waarom die munisipaliteit besluit het om nóú sy bouregulasies en voorskrifte vir die bestryding van brande af te dwing, terwyl baie installasies in die verlede nie volgens bouplanne voltooi is nie en die standaard van brandbestrydingstoerusting nie toe of nou voldoende is nie.

Die munisipaliteit weier egter om te verduidelik waarom dit skielik gedoen word sonder dat ‘n redeliker benadering gevolg word en betrokke mense of organisasiesdienooreenkomstig in kennis gestel word hiervan, en ‘n grasietydperk gegun word om die nodige veranderinge aan te bring.

Selfs die munisipaliteit se uitvoerende hoof, mnr. Robert Kahimise, en Windhoek se burgemeester, mnr. Muesee Kazapua, het tot dusver geweier om enige terugvoering te gee.

‘ONS IS GERAT’

Intussen blyk dit daar steek geen waarheid in derde partye se beweringe dat groot brande in Windhoek se sentrale sakegebied weens ‘n gebrek aan waterdruk nie deur die brandweer geblus sal kan word nie.

Hiervolgens is geboue soos dié van Namdeb in gevaar omdat die beweerde swak waterdruk in die gebied sal beteken water kan nie die bokant van die gebou bereik nie.

Uusiku se kollega, mnr. Fillipus Sikongo, ontken dit.

“Al die geboue word met tyd opgegradeer. Die Namdeb-gebou is ‘n tipiese voorbeeld van waar ons hulle aangeraai het om drukpompe te installeer – en hulle het dit gedoen. Die pompe help om die waterdruk op 10 bar te hou. Die waterdruk kry ‘n hupstoot deur die gebruik van geslote brankraan-stroombane.”

Volgens Sikongo sal hulle altyd die brandweerwa, met sy waterreserwe van 11 000 l, gebruik om ‘n brand te blus. Soos die water gebruik word, sal dit voortdurend vanuit die naaste brandkraan hervul word. Indien daar ‘n kraan is wat nie werk nie, kan die volgende naaste een gebruik word, solank dit nie verder as ‘n kilometer is nie.

“Ons span is voorbereid op sulke noodgevalle,” het Sikongo gesê.

Soortgelyk

 

Brand breek uit by Spar op Keetmanshoop

5 ure gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...