Boustandaarde word vasgestel

Konstruksiebedryf wil ''n nasionale raad hê

24 November 2016 | Infrastruktuur
Augetto Graig



Die Federasie van die Konstruksiebedryf van Namibië (CIF) en die Namibiese Instituut vir Standaarde (NSI) het Dinsdag ''n samewerkingsooreenkoms onderteken vir die ontwikkeling en aanneming van topgehalte internasionaal-aanvaarbare standaarde vir die Namibiese boubedryf.

Onder die toesig van die adjunkminister van nywerheidsontwikkeling, handel en SME-ontwikkeling, mnr. Pieter van der Walt, het me. Bärbel Kirchner, raadgewende hoofbestuurder van CIF, en me. Chie Wasserfall, die hoof uitvoerende beampte van die NSI, die ooreenkoms amptelik in werking gestel.

Volgens Van der Walt het die Namibiese boubedryf meer mededingend en ingewikkeld geraak met uitdagings vir maatskappye wat beter winsgrense, verminderde koste en meer voorspelbaarheid wil bereik.

“Of jy betrokke is by infrastruktuur of geboue, internasionale standaarde is daar om maatskappye te help met die beheer van verskeie risiko''s met ''n reeks oplossings om doeltreffendheid, nakoming en beheer van daaglikse risiko''s, groter samewerking en suksesvolle voorsieningskettingbestuur aan te moedig,” het die adjunkminister gesê.

“Die implementering van internasionale standaarde in konstruksie verskaf tegniese voordele, maar ook sosiale-, ekonomiese- en omgewingswinste,” sê hy.

Spesifiek wil die adjunkminister sien dat die standaarde die boubedryf se beeld rakende rommelstrooi verbeter: “Die boubedryf is verantwoordelik vir ''n groot deel van afval en algemene besoedeling en groot verbeteringe moet gemaak word om dit te verminder.”

Van der Walt het gesê die regering neem kennis van die moeilike tye waardeur die bedryf nou gaan, veral ten opsigte van water­skaarsheid en die huidige verbod op die regering se tenders vir boukontrakte.



GEHALTE IN BOUBEDRYF

“Ek doen ''n beroep op besigheide in die boubedryf om, ten spyte van die uitdagings, nie op gehalte in te boet nie,” het hy gesê.

Op sy beurt het die president van die CIF, mnr. Nico Badenhorst, erken dat die beeld van die boubedryf besoedel word deur slordige vakman­skap, verhoogde koste, vertraging in uitvoering van projekte en onvoltooide projekte.

“Enige iemand en almal kan die eienaar en bestuurder van ''n konstruksiemaatskappy wees, ongeag kwalifikasies, ervaring of die nodige sake- of tegniese kennis, of selfs sonder eie kapasiteit, en slegs op papier bestaan en as agent vir buitelandse maatskappye werk,” sê hy.

Volgens Badenhorst is die toepassing van standaarde kritiek om misverstande oor gehalte te vermy.

“Daarom is dit belangrik dat ons die kennis van boukodes en -standaarde vermeerder, asook kennis het van die voordele van die gebruik van die standaarde deur alle betrokke partye in die bouproses. Nogtans sal standaarde en die kennis van standaarde nie genoeg wees as dit nie gehandhaaf word nie,” het hy gesê.

Om dié rede pleit Badenhorst vir die vestiging van ''n nasionale bouraad. Hy sê pogings om so ''n raad te vestig, het al in 2012 gelei tot ''n wetsontwerp wat deur parlement verwerp is.

Die wetsontwerp het nog nie weer voor wetgewers verskyn nie.

Namens die NSI het Wasserfall die impak van standaarde op die daaglikse lewe beskryf en gesê sonder standaarde kan daar geen vooruitgang wees nie.

Sy het ''n beroep op alle CIF-lede gedoen om deel te neem in die ontwikkeling van standaarde, en dit toepas. “Spesifiek ­moet die Namibiese boubedryf meer doen om internasionale standaarde met ­betrekking tot veiligheid en gesondheid toe te pas,” het Wasserfall gesê.

Hiervoor sal die internasionale organisasie vir standaarde (ISO) in Desember 2017 die ISO 45001 beroepsgesondheid- en veiligheidbestuurstelsels voorstel wat sy aanmoedig almal moet kry en volg.

Soortgelyk

 

Namibië: Jerusalem hoofstad van Israel én Palestina

3 dae gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

3 dae gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

3 dae gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

3 dae gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

3 dae gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

3 dae gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

3 dae gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

3 dae gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

3 dae gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...