Botswana trek kruisies

Regerende party hou asem op

24 October 2019 | Afrika
Botswana se regerende ­Botswana Democratic Party (BDP) sal Woensdag sy asem ophou wanneer kiesers hul kruisies by die stembus gaan trek, in wat wyd gesien word as een van die ernstigste uit­dagings tot dié party se politieke bewind in meer as vyf dekades.

Botswana, die voorspoedigste en stabielste demokrasie in suidelike Afrika, handhaaf sedert onafhanklikheid van Brittanje in 1966 'n groeikoers van 8%, maar steun hewig op sy handel in diamante hiervoor.

Duma Boko, leier van die ­opposisie Umbrella for Democratic Change, hoop egter om met die steun van voormalige president Ian Khama die huidige president Mokgweetsi Masisi van die BDP uit die kussings te lug.

“Ons bly vasberade en vol selfvertroue dat ons hierdie verkiesing gaan wen,” het Boko die week aan verslaggewers gesê.

Hy het egter gemaan dat die opposisie slegs die uitslae sal aanvaar indien die verkiesing “geloofwaardig” is.

Masisi steun op sy teenkorrupsie­rekord en verminderde burokrasie vir klein ondernemings, terwyl Khama homself by Boko geskaar het nadat hy en die president 'n uitval gehad het. Khama is die seun van Seretse Khama, Botswana se eerste president.

Botswana het 'n bevolking van 2,2 miljoen mense, waaruit 924 000 geregistreerde kiesers vir 57 lede van die Nasionale Vergadering en 490 verteenwoordigers op plaaslike rege­ringsvlak sal stem.

Die party wat wen se kandidaat word daarna as president ingehuldig.

– Netwerk24/Reuters

Soortgelyk

 

Gesoek: Namibiërs wat in China woon, studeer

2 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

2 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

13 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

13 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

13 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

13 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

13 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

13 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

13 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....