Borsmelkbank soek melk

01 July 2020 | Gesondheid
Henriette Lamprecht



Die Namibiese Borsmelkbank (NBMB) het meer ma's nodig om tot die sukses van hierdie reddingsboei vir vroeggebore babas by te dra.

Die bank is vroeër ruim deur die Ohlthaver & List (O&L)-groep met onder meer bedryfs- en administratiewe koste ondersteun en wat huur, laboratoriumkostes, sowel as uitgawes by die versameling, berging, pasteurisering en verspreiding van die melk ingesluit het.

Die borgskap waarvoor suster Birgit Mayer van die bank haar dank uitgespreek het, het onlangs ten einde geloop en nuwe finansiering is nodig om tot die sukses van die NBMB by te dra.

“Ons is O&L innig en altyd dankbaar vir hul borgskap; sonder hulle sou ons nie kon gedoen het wat ons het nie,” beklemtoon Mayer.

Volgens haar word die melk gebruik om vroeggebore babas te voed waar die ma nie genoeg borsmelk op haar eie kan voorsien nie.

Natuurlike borsmelk is gesonder vir babas as formulemelk en dra beduidend tot hul fisieke en geestelike ontwikkeling by.

Vroeggebore babas wat 1,5 kg of minder weeg, is meer geneig tot infeksies en word meer beskerm wanneer hulle borsmelk ontvang.

Die NBMB het in April 2018 geopen toe die pasteurisasie van borsmelk begin het en die eerste drie vroeggebore babas gevoed is met borsmelk wat deur ma's geskenk is.

Om as ontvanger van dié borsmelk te kwalifiseer, moet 'n baba 1,5 kg of minder weeg en moet sy of haar ma nie daartoe in staat wees om self borsmelk te voorsien nie. Vir meer inligting oor die borsmelkbank en om as skenker te kan optree, kan suster Mayer by 081 129 2641 gekontak word, of besoek die webwerf www.nbmb.com.na vir meer inligting.

- [email protected]

Soortgelyk

 

Iran: Kernkragontploffing veroorsaak beduidende skade

45 minute gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

1 uur gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

3 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

4 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

4 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Kleintjies terug skool toe

15 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

15 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

15 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...

'Fitty' wil N$16 m. vir borg betaal

15 ure gelede | Misdaad

Jemima BeukesDie Fishrot-beskuldigde mnr. Tamson 'Fitty' Hatuikulipi – wat die staat aanvoer was 'n inte­grale deel van die viskwota-­omkoopskandaal – het sy vaste bates ter...