Borgtogaansoek van gewese Fishcor-baas misluk

30 June 2020 | Howe
Ronelle Rademeyer - Die geskorste hoof uitvoerende beampte van Fishcor, mnr. Mike Nghipunya (foto), se aansoek om borgtog het misluk.
Adjunk-hooflanddros Ingrid Unengu het vroeër vandag in haar uitspraak in die Windhoek landdroshof gesê die saak waarin Nghipunya en sy medebeskuldigdes, onder wie die voormalige ministers van justisie en van visserye en mariene hulpbronne, mnre. Sacky Shanghula en Bernhard Esau, van grootskaalse korrupsie met viskwota’s beskuldig word, is ‘n eerste vir Namibië.
Sy het daarop gewys miljoene Namibiese dollar was by die vermeende korrupsie betrokke wat na bewering deur “prominente openbare figure, insluitende voormalige ministers en korporatiewe leiers” soos Nghipunya gepleeg is.
“Dit sal in die belang van geregtigheid wees vir die saak om in ‘n bevoegde hof beslis te word,” het Unengu gesê.
Sy het bevind dit is nie in belang van geregtigheid om Nghipunya op borgtog vry te laat nie, en bygevoeg hy is nie ‘n geskikte kandidaat daarvoor nie.
Die ander beskuldigdes is mnre. James Hatuikulipi, Ricardo Gustavo, Tamson 'Fitty' Hatuikulipi and Pius 'Taxa' Mwatelulo. Gustavo het ook vroeër formeel om borgtog aansoek gedoen. Sy aansoek is eweneens van die hand gewys.

Foto: Nampa

Soortgelyk

 

Iran: Kernkragontploffing veroorsaak beduidende skade

8 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

8 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

10 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

11 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

12 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

22 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

22 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

22 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

22 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...