Borg ná 'tref-en-trap'; oorledene uitgeken

15 February 2021 | Misdaad
Leandrea Louw – 'n Vrou (34) wat daarvan beskuldig word dat sy in 'n tref-en-trap-ongeluk op die B2-hoofpad tussen Walvisbaai en Swakopmund betrokke was, is op borgtog van N$10 000 vrygelaat.

Me. Charlet de Bruyn het borg gekry 'n week nadat sy haar eerste verskyning in die landdroshof op Walvisbaai gemaak het.

Volgens adj.komm. Erastus Iikuyu, koördineerder van misdaadondersoeke in die Erongostreek, is sy aangekla vir strafbare manslag, versuim om die beseerde se toestand te bepaal en dat sy van die ongelukstoneel gevlug het.

“De Bruyn het op 2 Februarie omstreeks 20:50 in 'n Ford Ranger-dubbelkajuitbakkie van Walvisbaai na Langstrand gery.

Sy het na bewering 'n ongeïdentifiseerde middeljarige man gestamp wat vermoedelik die pad wou oorsteek. Die man is op die toneel dood,” het hy gesê.

Iikuyu het gesê die beskuldigde het van die toneel gevlug en is later by haar huis in hegtenis geneem.

Die man se ma het op 5 Februarie hom as mnr. Willdrew Visagie (30) van Narraville op Walvisbaai geïdentifiseer.

De Bruyn het haar tweede hofverskyning voor landdros Vicky Nicolaidis gemaak en haar regsverteenwoordiger is mnr. Ray Rukoro.

Tydens die verhoor het die staatsaanklaer Tuihaleni Hilikuete gesê die ondersoek duur voort en borgtog mag toegestaan word met voorwaardes.

Die voorwaarde sluit in dat De Bruyn haar paspoort aan die ondersoekbeampte oorhandig en sy nie vir 'n nuwe een mag aansoek doen voor die hofsaak afgehandel is nie.

De Bruyn met ook elke Vrydag tussen 07:00 en 17:00 by die Yanni Savva-polisiekantoor aanmeld.

Sy is voorheen deur me. Llana Fourie verteenwoordig. Die saak is tot 25 Maart vir verdere ondersoek uitgestel.

- [email protected]

Soortgelyk

 

Covid-19: In beeld 24 Februarie 2021

2 ure gelede | Gesondheid

Soos sake staan...

Vrou geholpe, man se operasie 'n sukses

3 ure gelede | Gesondheid

Die vrou wat in 'n parkeerterrein by die Katutura-hospitaal in haar motor gebly het om naby haar man te wees wat weke vir 'n heupoperasie...

80 nuwe gevalle, twee sterftes

5 ure gelede | Gesondheid

Twee Covid-19-verwante sterftes is vandag aangekondig, waarvan een in Walvisbaai en een in Outapi. Dit bring die totaal op 413 te staan bring. Tagtig nuwe...

Okavango-alliansie vra vir moratorium op oliesoektog

6 ure gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

9 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

9 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

9 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

12 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

20 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...