Boere ruk op na hof
Inwoners van die Suide het gister in groot getalle by die landdroshof op Keetmanshoop opgedaag om hul steun teen misdaad te wys.
Ronelle Rademeyer - Nagenoeg 350 boere en ander inwoners van die Suide was gisteroggend teenwoordig toe die drie vermeende moordenaars van mnr. Giel Botma (79) en sy 80-jarige vrou, Sarie, in die landdroshof op Keetmanshoop verskyn het.
Van vroegoggend af het foto’s van die groot groep mense by die hof op sosiale media-platforms, soos Facebook, verskyn met opskrifte soos: “Staan op teen plaasmoorde!”
Hulle teenwoordigheid daar was in stil protes teen die moontlike toekenning van borgtog aan die mans.
Mnr. Eugene Vermeulen, ’n huisvriend van die Botmas en die eerste mens wat in die vroeë oggendure Saterdag op die moordplaas buite Koës aangekom het, was ook teenwoordig.“Ek gaan konserwatief wees en sê hier was so 350 mense teenwoordig – swart boere, wit boere en baie ander mense. Die hofsaal was stampvol en baie mense het teen die muur (in die hof) gestaan omdat daar nie genoeg sitplek was nie. Die res het buite in die vierkant gewag,” het hy vertel.Vermeulen het gister die onaangename taak gehad om ná die hofverrigtinge sy geliefde vriende se lyke in die polisielykhuis te gaan uitken. “Dit was vir my ’n skok. Ek het nie besef hulle het vir tannie Sarie so seergemaak nie.”
Die beskuldigdes, mnre. Julius Frederick “Lemmie” Arndt (40), Andries Afrikaner (37) en Johannes Christian (36), is onder streng polisiebewaking by die hof aangebring waar die klagte aan hulle gestel is.
Benewens die twee klagte van moord, staan die mans ook tereg op aanklagte van huisbraak met die opset om te roof en roof, asook die diefstal van die egpaar se bakkie en ’n vuurwapen uit hul kluis.
Arndt staar naas hierdie klagte ’n bykomende klag van huisbraak met die opset om te steel en diefstal in die gesig.
Hy het na bewering die Donderdagnag vóór die moorde ook by die Botmas ingebreek en sowat N$500 uit die kantoor op die plaas Lindeshof gesteel. Dié plaas is sowat 10 km buite Koës en grens aan die dorpsgronde.
Republikein het intussen op goeie gesag verneem dat ’n klag van verkragting ná ’n forensiese ondersoek dalk by die res van die klagte gevoeg kan word.
Die mans is nie gevra om te pleit nie.
Die staatsaanklaer, mnr. Marlon Adams, het beswaar gemaak teen die toekenning van borgtog, waarna landdros Melissa Mungunda die saak tot 23 April vanjaar vir verdere ondersoek uitgestel het.
Die uitgebreide soektog Saterdag word as ’n suksesverhaal van goeie samewerking tussen geörganiseerde landbou se strukture soos die boereverenigings en misdaadvoorkomingsforum, en die polisie beskou.
Arndt is omstreeks middagtyd Saterdag sowat 300 km van die moordtoneel op Aranos aangekeer. Hy het na bewering met die Botmas se bakkie en die moordwapen, ’n .22-geweer, daarheen gevlug. Afrikaner en Christian is die aand by Koës in hegtenis geneem.
Vermeulen sê al die mans woon by Koës. Hulle was nie werknemers van die Botmas nie.
Van vroegoggend af het foto’s van die groot groep mense by die hof op sosiale media-platforms, soos Facebook, verskyn met opskrifte soos: “Staan op teen plaasmoorde!”
Hulle teenwoordigheid daar was in stil protes teen die moontlike toekenning van borgtog aan die mans.
Mnr. Eugene Vermeulen, ’n huisvriend van die Botmas en die eerste mens wat in die vroeë oggendure Saterdag op die moordplaas buite Koës aangekom het, was ook teenwoordig.“Ek gaan konserwatief wees en sê hier was so 350 mense teenwoordig – swart boere, wit boere en baie ander mense. Die hofsaal was stampvol en baie mense het teen die muur (in die hof) gestaan omdat daar nie genoeg sitplek was nie. Die res het buite in die vierkant gewag,” het hy vertel.Vermeulen het gister die onaangename taak gehad om ná die hofverrigtinge sy geliefde vriende se lyke in die polisielykhuis te gaan uitken. “Dit was vir my ’n skok. Ek het nie besef hulle het vir tannie Sarie so seergemaak nie.”
Die beskuldigdes, mnre. Julius Frederick “Lemmie” Arndt (40), Andries Afrikaner (37) en Johannes Christian (36), is onder streng polisiebewaking by die hof aangebring waar die klagte aan hulle gestel is.
Benewens die twee klagte van moord, staan die mans ook tereg op aanklagte van huisbraak met die opset om te roof en roof, asook die diefstal van die egpaar se bakkie en ’n vuurwapen uit hul kluis.
Arndt staar naas hierdie klagte ’n bykomende klag van huisbraak met die opset om te steel en diefstal in die gesig.
Hy het na bewering die Donderdagnag vóór die moorde ook by die Botmas ingebreek en sowat N$500 uit die kantoor op die plaas Lindeshof gesteel. Dié plaas is sowat 10 km buite Koës en grens aan die dorpsgronde.
Republikein het intussen op goeie gesag verneem dat ’n klag van verkragting ná ’n forensiese ondersoek dalk by die res van die klagte gevoeg kan word.
Die mans is nie gevra om te pleit nie.
Die staatsaanklaer, mnr. Marlon Adams, het beswaar gemaak teen die toekenning van borgtog, waarna landdros Melissa Mungunda die saak tot 23 April vanjaar vir verdere ondersoek uitgestel het.
Die uitgebreide soektog Saterdag word as ’n suksesverhaal van goeie samewerking tussen geörganiseerde landbou se strukture soos die boereverenigings en misdaadvoorkomingsforum, en die polisie beskou.
Arndt is omstreeks middagtyd Saterdag sowat 300 km van die moordtoneel op Aranos aangekeer. Hy het na bewering met die Botmas se bakkie en die moordwapen, ’n .22-geweer, daarheen gevlug. Afrikaner en Christian is die aand by Koës in hegtenis geneem.
Vermeulen sê al die mans woon by Koës. Hulle was nie werknemers van die Botmas nie.
Kommentaar
Republikein
Geen kommentaar is op hierdie artikel gelaat nie