Boere, NDF glo slaags oor weiding

‘Politici vuur konflik aan’

12 July 2019 | Misdaad
Ronelle Rademeyer - Die bevelvoerder van die polisie in die Erongostreek het gister die spanning oor weiding wat breekpunt bereik het tussen boere van die Otjohorongo-gemeenskap naby Karibib en die Namibiese weermag (NDF) voor die deur van politici gelê.

Volgens komm. Andreas Nelumbu was die situasie kalm “tot politici die gebied besoek het”.

“Die situasie was tot nou toe kalm. Daar is baie mense wat swaarkry weens die droogte, maar hulle het vreedsaam geleef,” het Nelumbu by navraag gesê oor beweringe dat boere gister deur lede van die weermag aangerand is.

Boodskappe is op WhatsApp-groepe versprei waarin beweer is boere wat met hul vee in die padreserwes by weermaggrond naby Karibib wei, is deur lede van die NDF aangerand.

“Ten minste een boer se arm is gebreek. Ander het die berge in gevlug,” het een van die boodskappe gelui.

Mnr. McHenry Venaani, leier van die Popular Democratic Movement (PDM), het die gebied Maandag besoek om met boere oor hul weidingsnood te vergader.

Hul diere wei in die padreserwes in die Etiro-boerderygebied, maar konflik ontstaan wanneer die vee op die weermag se plaas na spreekwoordelike groener weivelde gaan soek.

Volgens videomateriaal van die saamtrek vroeër die week was die weermag in groot getalle teenwoordig. Op die video kan gesien word hoe verskeie weermagvoertuie, ’n bus en pantsertuig aangery kom.

Republikein het met Venaani gepraat toe hy gistermiddag opnuut na die gebied op pad was om te gaan bepaal hoe ernstig die skermutseling was.

“Meer as 14 boere is aangerand. Selfs die man wat vir NamWater water daarheen aanry, is aangerand. Ek is op pad soontoe, want hierdie kan ’n geval van misdade teen die mensdom wees,” was sy woorde.

Volgens Nelumbu het hy teen druktyd gisteraand steeds gewag op ’n “objektiewe verslag” van senior polisiebeamptes oor wat gebeur het.

Hy sê tot hy konkrete inligting en bewyse het, bly dit net bewerings.

Lt.kol. Petrus Shilumbu, woordvoerder van die NDF, se antwoord op die vraag oor of die aanrandings waar is, was: “Hoegenaamd nie. Praat met die polisie op die grond.”

Die goewerneur van die Erongostreek, mnr. Cleophas Mutjavikua, het op sy beurt ’n beroep op Namibiërs gedoen om in hierdie moeilike tyd saam te staan.

Hy het aan Republikein gesê hy is oor die voorval ingelig, maar wag ook nog vir die verslag.

“Ek het gehoor mense moes vir behandeling gaan, maar weet nie van iemand wat in die hospitaal opgeneem moes word nie,” het hy gesê.

“’n Mens sou verwag dat ons in hierdie donker tyd in ons land se geskiedenis mekaar se hande sal vat en as ’n land in die gees van harambee sal saamstaan,” was sy reaksie oor die gebeure.

Soortgelyk

 

Covid-piek kom nog

7 ure gelede | Gesondheid

Henriette Lamprecht – Die voorkoms van bevestigde Covid-19-gevalle in Walvisbaai, tans die episentrum van die pandemie in Namibië, kan in middel tot laat Augustus die...

Boere bestry brand saam

7 ure gelede | Gemeenskap

Francoise Steynberg – Danksy die omliggende gemeenskappe se vinnige reaksie op ’n brand wat Dinsdag op plase aangrensend aan Erindi Private Wildreservaat uitgebreek het, is...

Weermag steun Walvisbaai

7 ure gelede | Gesondheid

Erwin Leuschner - Terwyl die aantal bevestigde Covid-19-gevalle op Walvisbaai gisteroggend met ’n rekordgetal toegeneem het, het die weermag ’n helpende hand aan die plaaslike...

Weer vir 2 Julie

7 ure gelede | Weer

BINNELAND: Sonnig en matig tot warm, maar baie warm in die verre Noorde. Winderige toestande sal oor die binneland voorkom. KUS: Sonnig en baie warm...

Raad van kerke staan sterk teen aborsie

7 ure gelede | Gesondheid

Denver Kisting – Die Raad van Kerke in Namibië (CCN), sê by monde van sy sekretaris-generaal, mnr. Ludwig Beukes, dit is dié liggaam se werk...

Aborsiedebat moet fokus op regte, nie godsdiens

7 ure gelede | Gesondheid

Henriette Lamprecht en Jana-Mari Smith – Die besluit om 'n aborsie te ondergaan, is 'n kwessie van persoonlike gewete wat nie in afwesigheid van enige...

San-meisie om op trots te wees

7 ure gelede | Gemeenskap

Tanja Bause – Vannessia Gaeses (17), 'n San-meisie wat vir die eerste keer skool toe is op negejarige ouderdom, is vandag 'n uitblinker in graad...

Leerskool vir veilige houtskoolaangebied

7 ure gelede | Landbou

Elvira Hattingh – Minder as 'n week nadat die Namibië Houtskoolvereni­ging (NCA) se Charcoal Village amptelik geopen is, word dit reeds inge­span om houtskoolprodusente te...

Lesersfoto's 2 Julie 2020

7 ure gelede | Leserpost

Fyn: Elize het die foto in haar tuin geneem.Asemrowend: “Ons bly in ’n ontsagwekkende mooi land,” sê Björn Basler. Strale: “Die foto is op ’n...