Boere loop onder stropers deur

Nóg 'n terugslag midde droogte

15 May 2019 | Misdaad
Elvira Hattingh



Asof die knellende droogte nie genoeg is nie, loop Omaruru se boere tans onder 'n vlaag stropery deur, met stropers wat glo veral die afgelope maand draadstrikke vir wild stel en selfs beeste slag.

In die jongste geval het spoor­snyers van die Omaruru-streekwag Maandag omstreeks 12:00 op vier stropers afgekom, wat glo besig was om twee dragtige koeie te slag, nadat hulle die beeste sowat 50 km ver gejaag het.

Mnr. Sigi Kostens van die streekwag het gister aan Republikein gesê die voorval beteken 'n verlies van sowat N$30 000 vir die koeie se eienaar.

Die saak is by die polisie aangemeld.

Kostens het gesê terwyl hy met Republikein gepraat het, was die streekwag se spoorsnyers juis weer met hul honde warm op die spoor van nog vermeende stropers op 'n plaas in die omgewing.

Dit volg nadat stropers vroeër vandeesmaand ook beeste geslag het wat aan 'n staatsamptenaar behoort en ook in die omgewing boer.

Terselfdertyd voer boere 'n voortdurende stryd om draadstrikke, wat gestel word om wild te stroop, van hul plase te verwyder.

“Ek haal sowat 12 draadstrikke op 'n slag van my plaas af – dit is 'n algemene kwessie. Dit breek jou moed om nog teen stropers ook te moet baklei,” het Kostens gesê. Hy het gesê daar word oorweeg om bykomende hulp in te roep om die stropers vas te trek.

Intussen het boere, asook inwoners van die dorp, gesê hulle is teleurgesteld in die Omaruru-polisie se trae reaksie op wild- en veediefstalklagte.

Adj.komm. Erastus Ikuyu, woordvoerder van die polisie in die Erongostreek, het gesê hy kan gekontak word indien die gemeen­skap voel dié polisietak kom nie hul pligte na behore na nie. Hy het gesê hy het voorbeelde van spesifieke gevalle nodig om te kan optree.

Republikein het verlede week berig oor dieselfde boere teenaan die Omarururivier, wat ernstige ernstige konflik oor weiding voorsien met trekboere wat van elders af kom en tans glo sowat 150 beeste onwettig in dié strook laat wei.

Intussen het mnr. Wilfried Pack, wat op die plaas Grünental by Witvlei boer, ook vertel van 'n dragtige koei wat die afgelope Sondag op sy plaas geslag is. In dié geval het die veediewe slegs die koei se blad verwyder en die res agtergelaat.

Die oorplaatjies is ook verwyder. Pack het 'n saak by die polisie aanhangig gemaak, maar sê daar is nie genoegsame bewyse agtergelaat nie.

Hy sê hy weet nie of die vermeende diewe hom wou saboteer nie, want indien hulle honger was, sou hulle meer vleis saamneem.

Hy sê dit kan ook wees dat hulle net genoeg vleis wou gehad het om vinnig vir 'n bietjie drankgeld te verkoop. Hy sê tydens die droogte is dít die laaste ding wat boere nodig het.

Soortgelyk

 

Vlieëniers vlieg ‘blind’

8 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

8 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

8 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

8 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

8 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

8 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

8 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Geingob maan oor voorvaderlike grondeise

8 ure gelede | Regering

Jemima Beukes - President Hage Geingob het gewaarsku die emosionele kwessie van voorvaderlike grondeise, indien dit vir politieke gewin gebruik word, kan ’n burgeroorlog ontketen....

Swakop se vuurtoring bewaar

8 ure gelede | Plaaslik

Erwin Leuschner – Swakopmund se estetika-komitee het die nuutste ontwerp vir ’n beplande ontwikkeling by die dorp se voormalige binnenshuise swembad afgekeur. Dít omdat ’n...