Boer dalk van minagting van hof aangekla

Regter sê oor afkamping van kommunale grond

13 July 2018 | Landbou
Elvira Hattingh - ‘n Kommunale boer kan van minagting van die hof aangekla word nadat ‘n 2016-hofbevel oor die verwydering van ‘n draadheining op kommunale grond verontagsaam is.

Regter Collins Parker het Maandag beveel mnr. Andreas Nangolo moet op 19 Julie in verband hiermee voor die hof verskyn, andersins kan ‘n lasbrief vir sy inhegtenisname uitgereik word.

Die hoërhof het verder toestemming aan die Namibiese polisie gegee om die hekke van die toegespande Oshana shEtemba (stet) oop te maak - ‘n toegekampte 3 600 ha kommunale gebied in die Oshikotostreek – sodat boere se vee weer hul regmatige toegang tot weiding en waterpunte kan kry.

Die vee wei binne die afgekampte gebied, terwyl hulle toegang tot waterpunte buite die gebied moet hê.

Dié hofbevel volg op ‘n uitgerekte dispuut nadat ‘n stuk grond in 2013 in die Ompugulu- kommunale gebied deur die hoofman van die Mpugulu-nedersetting, mnr. Petrus Kalekela, afgekamp is. Gemeenskapslede wat reeds daar gewoon het, is uitgesit en Kalekela het beweer die Ondonga- tradisionele owerheid het die stuk grond reeds in 1986 aan hom gegee.

Nadat dié boere, onder leiding van mnre. Erastus Naango en Reinhold Vernerva, hulle na die hoërhof gewend het, het regter Shafimane Ueitele in Desember 2016 ‘n uitspraak gelewer waarin Kalekela en sy vrou, Beata, verbied word om die boere uit te sit. Verder mag hulle nie van hul regte op weiding en verblyf op Oshana shEtemba weerhou word nie en moes Kalekela die draadheining binne drie maande verwyder.

Kalekela het teen die laaste beslissing geappelleer.

Intussen is ‘n dringende aansoek in Mei vanjaar in die hoërhof gebring nadat die situasie ná die hofuitspraak glo nog nie verander het nie.

Kalekela is in 2017 oorlede, waarna sy neef, Nangolo, hom op die grond gevestig het. Hy was ook in 2013, onder bevel van Kalekela, betrokke by die span van die heining.

Nangolo het glo nou ‘n huisie opgesit, krale vir sy bokke gebou en toe die vervalle heining reggemaak, voor hy na bewering ander boere se vee uitgejaag het.

Volgens ‘n brief deur die applikante se regsverteenwoordigers, die Regshulpsentrum (LAC), is gemeenskapslede en hul vee sedertdien weer uit Oshana shEtemba gejaag, terwyl die heining - ingevolge die hangende appèlsaak in die hooggeregshof - ook nog staan.

Vernerva sê verder in ‘n beëdigde verklaring sy vee is, saam met dié van ander boere, buite die omheinde gebied vasgevang, en Nangolo het hom al verbied om na sy eie huis binne die afgekampte gebied te gaan. “Hy dreig my voortdurend as ek by my huis wil uitkom,” het hy geskryf.

Soortgelyk

 

Wilde perde: Jongste vul reeds aangeval

3 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

3 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

3 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

3 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

3 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

3 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

3 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

3 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

3 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...