Blindgebore Namibiër lei wêreldunie

19 July 2021 | Mense
Tanja Bause – Me. Martine Abel-Wiliamson is onlangs as die nuwe globale president van die Wêreldunie vir Blindes (WBU) aangewys.

Sy is in 1971 in Windhoek gebore en is op ses maande oud as blind gediagnoseer. Haar familie is aangeraai om Suid-Afrika toe te trek omdat Namibië destyds oor geen opleidingsmoontlikhede vir blinde persone beskik het nie.

“Toe ek een jaar oud was, het my ma, 'n enkelma, saam met my en my ouer suster na Suid-Afrika verhuis,” het sy gesê.

Sy het in Pretoria en Worcester skole vir blindes bygewoon voordat sy by die Universiteit van Pretoria 'n graad in sielkunde en by die Universiteit van Suid-Afrika 'n nagraadse diploma in sekondêre onderwys gekry het. In 1996 het sy saam met haar klein familie na Nieu-Seeland geëmigreer. Haar suster en swaer het werk as hoërskoolonderwysers in Nieu-Seeland gekry en verhuis.

“In Suid-Afrika kon ek slegs werk as 'n telefonis kry en niks in my gebiede van tersiêre kwalifikasie nie.

“Ek is heeltemal blind gebore, maar het kleurwaarneming gehad tot ongeveer 1996, toe ek 'n sekondêre oogtoestand, gloukoom, ontwikkel het, wat meegebring het dat ek 'n operasie moes kry om die pyn te verlig en die oogdruk te verminder. Dit het my heeltemal blind gelaat, maar ek kon nooit baie sien om mee te begin nie,” het sy gesê.

Abel-Wiliamson het haar eerste gidshond in 1990 in Suid-Afrika gekry en haar saam Nieu-Seeland toe geneem toe sy immigreer het.

“Oor die jare heen het ek by vriende en familie in Windhoek kom kuier. Ek is mal oor die woestyn­omgewing en het talle skilderye van die besonderse woestynlandskap, veral rondom Lüderitz, in my huis. Een van hulle het 'n vriend geskilder en dit sluit die sand van Lüderitz in sodat ek kan voel waar die sand is.”



WÊRELDUNIE VIR BLINDES

Die WBU verteenwoordig die 253 miljoen blinde, gesiggestremde en swaksiende persone van 190 lidlande van oor die wêreld heen. Dit sluit ook diensverskaffers sowel as voorspraakorganisasies in.

As die stem vir blindes, beraadslaag die WBU met regerings en internasionale liggame oor kwessies rakende blindheid en swak sig in samewerking met lede.

Die WBU verenig al die belangrikste nasionale en internasionale organisasies van blinde mense en organisasies wat dienste aan blindes lewer en werk aan die kwessies wat die lewensgehalte vir blindes beïnvloed. Wêreldwyd word die WBU in ses streke verdeel en elke streek het sy eie president en ­vrywillige uitvoerende span.

“Ek is oorweldig deur die ondersteuning wat ek tot dusver gekry het. Ek werk nie eens vir 'n groot diensverskaffer vir blindes, soos die meeste WBU-presidente in die verlede gedoen het nie. Ek werk as senior menseregte-adviseur vir die Nieu-Seelandse Menseregtekommissie. My WBU-werk is dus vrywillig, behalwe dat Nieu-Seeland vir my internasionale reis betaal, sodra ons weer kan reis.

“Ek voel ek het baie bereik vir die gemiddelde persoon op grondvlak. Deurdat ek 'n enkelma het, nie 'n welgestelde gesin nie, en nie in diens is van 'n groot diensverskaffer is nie, vertrou mense oor die wêreld my steeds met hierdie pos.

“Ek is die stem van die gewone persoon, nie die bevoorregtes nie,” het Abel-Williamson gesê.

[email protected]

Soortgelyk

 

Pfizer vandag in Namibië verwag

6 ure gelede | Gesondheid

Die Covid-entstof Pfizer word vandag in Namibië verwag. Volgens die hoof van die Namibiese taakspan vir die land se immuniseringsveldtog, me. Petronella Masabane, kom 100...

Forklifting failure

16 ure gelede |

Natasja ByleveldAre you OK thinking about unconventional ideas that could uplift society and norms to a higher standard? Do you like a challenge, or do...

Big thinker who is not afraid of taking risks

16 ure gelede | Mense

Contrasting with his considered, analytical, and steady approach to life, Rolf Mendelsohn is an undisputed adventurer. Together with the other founders of Paratus, Rolf...

'Polisiebeampte' pers dokter glo af

16 ure gelede | Howe

Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die...

Miss Aston dra die kroon

16 ure gelede | In beeld

Cobus van der Merwe van St. Blaize Brahman & Sussex Studs gister by die Gobabis Skou saam met sy “Kampioen van kampioene”, Miss Aston 134-12....

Plaaslike skatte nou aanlyn ­beskikbaar

16 ure gelede | Kuns en vermaak

Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf. Dié platform sal as die aanlyn katalogus van die...

An easy ride-hailing platform

16 ure gelede |

Wetumwene Shikage The everyday experience for many Namibians of getting a taxi to from different locations has been made more convenient. TaxiConnect provides an easy...

A knack for things that are pleasing to the...

16 ure gelede | Mense

Wetumwene Shikage Madeline Heyman, who trained as a fashion designer, has turned her many years of experience to interior design. She says...

Sacrifices worth making

16 ure gelede | Mense

Tunohole MungobaBorn in Windhoek, Leokadia Jacob is a finance administrative officer of Dolomite Camp, which is part of Namibia Wildlife Resorts (NWR).After completing her studies...