Binneland kan môre reën kry

Onweer tot Sondag voorspel

06 February 2019 | Weer
Elvira Hattingh – Reënvooruitsigte in die komende dae tot die naweek lyk belowend vir die Namibiese binneland, met swaar donderbuie wat na verwagting op die meeste plekke sal voorkom.

Die Namibiese weerkantoor se hoofweervoorspeller, mnr. Odillo Kgobetsi, het gister gesê verspreide donderbuie word reeds vandag op plekke in die Sentrale Noorde verwag.

Sonnige toestande behoort in die verre Weste en in die ||Kharasstreek te heers, terwyl dit elders gedeeltelik bewolk en warm tot bloedig warm sal wees.

“Goeie vooruitsigte bestaan egter vir môre en Vrydag, wanneer wydverspreide donderbuie oor die hele binneland verwag word, met swaar neerslae op die meeste plekke.”

Volgens Kgobetsi sal dit ook verligting van die hitte bring. “Danksy die wolkbedekking en reën sal dagtemperature effens daal,” het hy gesê.

Na verwagting sal donderbuie Saterdag en Sondag steeds oor die binneland voorkom.

Dít volg nadat Santam Suid-Afrika se landbouweerkundige, mnr. Johan van den Berg, in ‘n reënvooruitskouing van 25 Januarie gesê het ‘n skerp positiewe verandering in vooruitsigte vir die res van die seisoen is te bespeur, met ‘n sterk moontlikheid dat Februarie en Maart vanjaar die oorheersende reënmaande sal wees.

Hy het bygevoeg ‘n 70%-kans bestaan dat normale tot bonormale reën in die twee maande in veral die sentrale en noordelike dele van Namibië verwag word, hoewel reën na verwagting skaars in die suidelike en suidwestelike dele van die land kan wees.

Hy het ook gesê 'n 30%-kans bestaan dat gemiddelde reën in Februarie kan voorkom, met 'n swak afsluiting van die huidige seisoen.

Die Namibiese weerkantoor het onlangs in hul jongste reënverslag gesê die eerste helfte van die huidige reënseisoen het in die algemeen met ‘n tekort aan reën afgesluit en reënval was tussen Oktober en Desember oor die groter dele van die land ondergemiddeld.

“Op ‘n seisoenale skaal het die meeste reënstasies tussen Oktober en Desember verlede jaar onderdrukte reënneerslae aangemeld, met die uitsondering van kolle in die Khorixas-Otjiwarongo-Otjimbingwe-driehoek, asook gebiede rondom Steinhausen.

“Hier het bonormale reënneerslae voorgekom,” lui die verslag, wat deur mnr. Simon Dirkse, hoof van klimaat en die Namibië Meteorologiese Diens (NMS) se databank, saamgestel is.

Soortgelyk

 

‘Aarde lag deur haar gebarste gesig’

13 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

13 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...