Bielie van ’n kolstert vat die aas
Des Erasmus - Die vangs van die vakansieseisoen was ’n kolstert wat Marina Kruger, ‘n geregistreerde hengelaar van Hentiesbaai, net noord van Horingbaai in die rigting van Bakleigat uitgehaal het.
Marina se vis het die skaal op 2,2 kg laat trek.
Kolsterte haal selde ‘n gewig van 2 kg. Marina sê sy en haar mense was op ’n gewone hengeluitstappie en op soek na kabeljou toe die sonderlinge vangs behaal is. Op die betrokke plek het hulle in die water ingestap om diep vir kabeljoue in te gooi met hul hoeke gelaai met pelsers. Toe kom die bielie van ‘n kolstert uit.
Marina het Saterdag aan Republikein gesê hengel is weer harde werk met die vis wat bra skaars is. Die water is skoon en die seewatertemperatuur is in die omgewing van ‘n hoë 18 °C. Juis die skoon en warm water word as rede aangevoer vir die vangs van nog ‘n skaars spesie die naweek by Myl 8. Dit was waar sommer skaflike leervisvangste behaal is.
Marina se vis het die skaal op 2,2 kg laat trek.
Kolsterte haal selde ‘n gewig van 2 kg. Marina sê sy en haar mense was op ’n gewone hengeluitstappie en op soek na kabeljou toe die sonderlinge vangs behaal is. Op die betrokke plek het hulle in die water ingestap om diep vir kabeljoue in te gooi met hul hoeke gelaai met pelsers. Toe kom die bielie van ‘n kolstert uit.
Marina het Saterdag aan Republikein gesê hengel is weer harde werk met die vis wat bra skaars is. Die water is skoon en die seewatertemperatuur is in die omgewing van ‘n hoë 18 °C. Juis die skoon en warm water word as rede aangevoer vir die vangs van nog ‘n skaars spesie die naweek by Myl 8. Dit was waar sommer skaflike leervisvangste behaal is.
Kommentaar
Republikein
Geen kommentaar is op hierdie artikel gelaat nie