Bezuidenhoud aanvaar glo omkoopgeld

15 May 2018 | Howe
Henriette Lamprecht - ’n Senior rekenmeester van die ministerie van finansies het gister sy eerste verskyning op ’n aanklag van bedrog gemaak.

Llewellyn Bezuidenhoud het na bewering sy posisie gebruik om die uitbetaling van mediese eise van die staat se mediese fonds (Psemas) te bespoedig. Die eise beloop sowat N$1,35 miljoen, met die bedrag wat sedert 2016 uitstaande is.

Bezuidenhoud is deur die Teenkorrupsiekommisie (ACC) vasgetrek. Volgens die hoofondersoeker van die ACC, mnr. Neels Becker, het ’n diensverskaffer in die mediesesorgbedryf Bezuidenhoud oor die uitstaande eise gaan besoek. Bezuidenhoud het tydens hul gesprek gesê hy sal die uitbetaling bespoedig, maar daar moet ’n “aansporing” wees. Hy het egter nie gesê wat die bedrag moet wees en hoe dit in ontvangs geneem sou word nie. Die verskaffer het die gesprek opgeneem en die inligting aan die ACC oorhandig.

Volgens Becker het die kommissie lankal vermoed daar is omkopery en onwettige bedrywighede in die bespoediging in die uitbetaling van Psemas-eise. ’n Besluit is gevolglik geneem om met die verskaffer saam te werk en ’n lokval te stel.

Volgens Becker is ’n aanvanklike betaling van N$40 000 aan Bezuidenhoud gedoen en met die veronderstelling hy slaag daarin om die betrokke uitbetalings te bespoedig. Vrydag is ’n tweede betaling van N$10 000 aan Bezuidenhoud gemaak waarvan ’n video-opname gemaak is en die ACC het toegeslaan.

Becker het ’n beroep op lede van die publiek en veral diensverskaffers in die gesondheidsbedryf gedoen by wie omkoopgeld ook geëis is, om na vore te kom. Die persone sal nie aangekla word nie, maar as getuies gebruik word wat die ACC in sy ondersoek help.

Soortgelyk

 

Polisie konfiskeer kerk se luidsprekers in Oshakati

1 dag gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...