Unam het bevestigde geval van Covid-19

28 July 2020 | Gesondheid
Jeanette Diergaardt – ’n Personeellid van die Universiteit van Namibië het op 22 Julie positief vir Covid-19 getoets.
Die verklaring aan personeellede en studente is vandag deur die visekanselier, mnr. Kenneth Matengu, uitgereik.

Die personeellid was op 14 Julie laas op die hoofkampus in Windhoek, maar verskeie voorsorgmaatreëls was vooraf reeds getref.
’n Vlak 2 krisis is by die universiteit aangekondig. Die blok waar die personeellid werk, sal ontsmet word. Kollegas wat met die positiewe geval in aanraking gekom het, sal van vandag af vir sewe dae in kwarantyn wees.

KWARANTYN
Altesame 39 studente van die fakulteit gesondheid is in kwarantyn geplaas vanweë moontlike blootstelling aan die virus terwyl hulle in gesondheidsinstellings gewerk het.

Die studente het vanaf 1 Julie by gesondheidsinstellings in Windhoek gewerk as deel van hul praktiese opleiding en het hierdeur met positiewe Covid-19-gevalle in kontak gekom.

Gedurende die inperkingsfase was die mediese studente deurentyd op bystand ingeval die gesondheidsministerie ekstra hulp nodig gehad het.
Drie personeellede van die verpleegskool is tans ook in kwarantyn nadat hulle in kontak was met studente wat by gesondheidsinstellings in die land gewerk het.
Een personeellid van die hoofkampus is geïdentifiseer wat in kontak met die Covid-19-geval gekom het en is tans in kwarantyn.

Unam se woordvoerder, mnr. John Haufiku, sê die positiewe geval sal nie inmeng met die universiteit se opening wat vir 3 Augustus geskeduleer is nie.
In vroeër kommunikasie het die universiteit laat weet net 50% van die studente sal terugkeer universiteit toe, maar ná dese sal die syfer verder verminder word. Laasgenoemde reëling is reeds voor die bevestigde geval bespreek.

Studente wat praktiese werk moet doen om die semester te slaag, sal terug op universiteit toegelaat word. Verder sal aanlyn klasse voortgaan.
Haufiku maan alle studente om nie angstig te raak nie, maar om kalm te bly en vir verdere inligting vandeesweek te wag.

Soortgelyk

 

Vandag se Covid-19-data

1 uur gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

2 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

7 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

18 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

18 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

18 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

18 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

18 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

18 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...