Bethaniërs ploeg terug in geboortedorp

12 July 2016 | Gemeenskap
Inwoners van Bethanie, een van die oudste nedersettings in die suide van Namibië, het weer gebaat by die Winterprojek wat vanjaar onder die vaandel “Ons gee om” gehou is.
Dié projek het verlede jaar begin met die doel om behoeftige en minderbevoorregte inwoners van komberse, klere en kos vir die winter te voorsien.
Die projek het sy ontstaan te danke aan die Facebook-groep “Bethanie Onsmense”. Deur dié blad het oud-inwoners van die dorp mekaar opgespoor, weer met mekaar kennis gemaak, en die bul by horings gepak om hul deel vir hul geboortedorp te doen. Só neem die projek elke jaar in omvang toe.
Die groep en die gemeenskap besef hul bydraes is nie die antwoord of ’n oplossing om armoede uit te wis nie, maar dit verhoed wel dat niemand op Bethanie van die koue omkom of ongemak verduur nie.
Die oorhandiging het vroeg in Junie plaasgevind. Verwelkomings is deur die hoofman van die !Aman en sy vrou behartig. Hulle het ook ruim bygedra en die dag geniet saam met sowat 120 mense wat by Bethanie se gemeen­skapsaal bymekaar gekom het.
Almal is met koffie en tee verwelkom en het daarna warm sop geniet
Die !Ama Gemeenskaptrust, die Bethanie-dorpsraad, die Gekombineerde Skool Schmellenville, Bethanie Plaza, Pick n Pay in Windhoek, CCM Rosh Pinah, die Rooms Katolieke pastorale sentrum op Keetmanshoop, verskeie individue asook al die lede van die projek, het donasies in die vorm van komberse, klere, kos gemaak en ook bygedra tot die heerlike middagete.
Little Miss Grand Namibia se eerste prinses, Cristel Meintjies wat van Bethanie kom, het haar steun gewys deur koffie, tee en koekies aan inwoners voor te sit. Die talentvolle meisie wat ook al ’n CD van haar eie uitgereik het. Sy het die dorp se kinders en jongmense aangemoedig om by hul gemeenskap betrokke te raak.
Ondersteuners van die Winter­projek het van oor die hele Namibië na Bethanie gereis om die besonderse dag by te woon en dit was ’n reusesukses.
Belangstellendes wat by die projek wil betrokke raak, kan me. Lucille Siebert by 081 3742 993 kontak of Bethanie Onsmense of Bethanie Community Winter Project se Facebook-blad besoek.

Soortgelyk

 

Dorpe se ouditverslae volgende week bespreek

7 ure gelede | Regering

Die Nasionale Raad se staande komitee vir openbare rekeninge en die ekonomie vergader aanstaande week met streeksrade en plaaslike owerhede om die uitslae van die...

Serfonteins se bedrogverhoor geskei nadat Stephanie skuld beken

8 ure gelede | Howe

'n Voormalige senior administrateur van Ferrodrill Namibia het vandag in die hoërhof in Windhoek erken sy het tussen Oktober 2009 en Julie 2012 bedrog gepleeg...

'Gee vals Psemas-kaart terug'

10 ure gelede | Gesondheid

Die ministerie van finansies het ’n vrywillige grasietydperk aangekondig vir mense in besit van vals kaarte van die staat se mediese fonds (Psemas), of wat...

Dooie pikkewyne op Ichaboe-eiland gevind

11 ure gelede | Omgewing

Agt dooie Afrika-pikkewyne is die laaste drie weke op Ichaboe-eiland naby Lüderitz. Ichaboe is die buureiland van Halifax waar meer as 350 pikkewyne aan die...

Belastingsonde met die bure

22 ure gelede | Ministeries

Jo-Maré Duddy Die hoër sondebelasting wat die Suid-Afrikaanse minister van finansies, mnr. Tito Mboweni, gister in sy begroting aangekondig het, beteken Namibiërs gaan van 1...

‘Kersfees’ vir onwettige loterye verby

22 ure gelede | Ministeries

Francoise Steynberg - Kersfees is verby vir diegene wat onwettige sportboerpotte en gelukstrekkings hou en loterykaartjies aan minderjariges verkoop.Dít wanneer die nuwe Loterywet van 2017...

Mangaan-uitvoere kry groen lig

22 ure gelede | Plaaslik

Catherine Sasman – Die ministerie van die omgewing en toerisme (MET) het ’n omgewingsklaringsertifikaat (ECC) aan die Suid-Afrikaanse maatskappy TradePort Namibia CC uitgereik. Dié maatskappy...

Dorpe se leierskapsvrae gepak

22 ure gelede | Regering

Augetto Graig - Die regerende party het Maandag ’n dringende vergadering by hul hoofkantoor in Windhoek gehou, waartydens besluit is raadslede wat onlangs vir Rundu...

Weer vir 21 Februarie 2019

22 ure gelede | Weer

BINNELAND: Sonnig en bloedig warm in die verre Noordooste. Elders sal dit gedeeltelik bewolk en baie warm tot bloedig warm wees.KUS: Gedeeltelik bewolk en...