Beserker slaan 2-jarige nefie na bewering met graaf dood

18 November 2019 | Misdaad
‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy bygedam het, ernstige besering opgedoen het.
Volgens die polisie se misdaadverslag het die voorval 07:00 Saterdag by Ethiya-nedersetting in die Omuntele-gebied plaasgevind.
Die oorledene, Martin Junior Horaseb, is volgens die polisie na bewering met die graaf teen die kop gekap en is op die toneel dood. Die meisietjie het ernstige beserings aan haar nek opgedoen en is in ‘n kritieke toestand in die Onanjokwe-hospitaal.
Die man het glo ook ‘n hond doodgemaak en eiendom in die huis beskadig, voordat hy na die bure se huis is waar hy die vensters van twee voertuie en ‘n cuca-winkel se deur beskadig het.
Dit blyk hy is deur lede van die gemeenskap aangekeer en aan die polisie oorhandig toe hulle later daar opgedaag het.
Hy sou vandag in die landdroshof op Ondangwa verskyn nie. Die polisie se ondersoek na dié voorval van moord, poging tot moord, wreedheid teenoor diere en opsetlike saakbeskadiging duur voort.
Intussen ondersoek die polisie ook die dood van die 1-jarige Queen Elizabeth Mwilima wat Vrydagmiddag omstreeks vyfuur na bewering by Marema in Kavango-Wes in ‘n put verdrink het.
Volgens die misdaadverslag is sy deur ‘n 11-jarige alleen gelaat. Haar ouers is die vorige dag weg en het haar by ander familielede gelos. Hulle het die baba weer die volgende dag in die 11-jarige se sorg gelaat, wat met haar rivier toe gegaan en haar daar alleen gelaat het. Haar naasbestaandes is van haar dood in kennis gestel.

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...