Bekommerd oor die toekoms

14 June 2019 | Menings
JURIE VILJOEN SKRYF:

Die wêreld is in ’n krisis vasgevang. Oral op hierdie aardse bodem is daar onrus, oorlog en korrupsie.

’n Mens kan tereg soos die kategismes vra: “Is die mens dan so boos en verkeerd geskape?”

Oorloë sal nooit ophou nie, omdat dit of ’n magstryd is, of twee moondhede wat dit op vreemde bodem uitspook, omdat hulle nie wil hê dat hulle eie mense blootgestel moet word aan geweld nie. Die stryd tussen Israel en Palestina kan nie opgelos word nie, tensy Israel bereid is om hom aan gebiede te onttrek en sodoende sy eie keel af te sny. So is dit eintlik ’n “godsdiens” gemotiveerde siening.

In suidelike Afrika is korrupsie aan die orde van die dag; plaasmoorde, selfverryking en ander gruwels en niemand doen iets daaraan nie. In Suid-Afrika was daar onlangs ’n verkiesing, maar niks wat belowe is het gerealiseer nie. Verwagtinge het uitgeloop op teleurstellings.

In Suid-Afrika word busse en treine en waardevolle bosse aan die brand gesteek. Niemand tree op of rep ’n woord daaroor nie. Skole word afgebrand of permanent geskaad. Korrupsie, korrupsie en geen dienslewering nie.

Dekades na onafhanklikheid en “vryheid” is dit die skuld van apartheid, want dit is die gemene deler wat mense verenig.

Munisipaliteite se oorgeërfde kontrole en hantering van sake bestaan nie meer nie. Nasionale instellings soos Eskom is ’n verleentheid vir die land.

In Namibië heers dieselfde situasie. ’n Tekort aan kontrole by elke munisipaliteit; ’n tekort aan geld; ’n tekort aan beplanning.

As iemand ’n probleem het met wat ek sê, verklaar dan net hoekom “Home Affairs” nie paspoorte kan uitreik nie. Daar is nie Namibiese paspoorte in Namibië nie. As ek aansoek doen vir ’n paspoort, word die verskoning aangevoer dat die boekies bestel word uit die buiteland. Dit gaan waarskynlik maande duur.

Die nasionale lugredery, Air Namibia, is soos ’n afvlerk-spreeu. Lorries moet die karweiwerk uit die buurlande doen, want spoorvervoer het feitlik tot stilstand gekom. Die boom wat goeie vrugte gedra het, is kaal gevreet.

Daar is nie geld nie. Daar sal nooit weer geld wees nie.

Mense wat “aanbid” word of wat later “vereer” sal word, omdat hulle die land na onafhanklikheid gelei het, sal verag word, omdat hulle die land verkoop het.

Waarom het hierdie situasie ontstaan. Myns insiens weens drie redes:

Daar is so gou as moontlik van mense ontslae geraak wat geweet het hoe dinge werk.

Daar heers ongekende “voorspoed” te oordeel aan al die blink motors en buitelandse reise. Die man wat kan skep, skep diep uit die put van voorspoed wat nie bestaan nie;

Ministers en amptenare se salarisse het die hoogte in geskiet en daar word eerste na hulle gekyk, voordat daar geld vir iets anders is. Daar word eerste klas gevlieg en aangedoen by elke “besigheidsklas restaurant”.

Hoe gouer mense sal besef dat die land ekonomies op sy knieë is, sal hulle ook besef hoe mooi hulle na hulle geld moet kyk; sal hulle weet hoekom so baie besighede toemaak; sal hulle ook saamstem dat huispryse nooit weer sal herstel nie. Die finansiële toekoms lyk nie rooskleurig nie.

Soortgelyk

 

Resessie slag Namibië

8 ure gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

8 ure gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

8 ure gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

8 ure gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

8 ure gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

8 ure gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...

‘Hou op kla en doen iets’

8 ure gelede | Omgewing

Tanja Bause – ’n Windhoeker het in Augustus vanjaar besluit sy het genoeg van ’n vuil Windhoek gehad en self ingespring.Me. Tertia Wannenmacher se voorbeeld...

Air Namibia se vlerke wankel

8 ure gelede | Vervoer

Denver Kisting – Die pasaangewese raadsvoorsitter van Air Namibia, mnr. Escher Luanda, sê hy wil hom nie oor die lopendesaakvooruitsigte van die redery uitlaat nie.Dit...

Windhoek skud haar vere reg vir jazz

8 ure gelede | Kuns en vermaak

Denver Kisting – Die hooftrekpleister vir vanjaar se Windhoek Jazz Festival is niemand anders nie as die Prinses van Afrika, Yvonna Chaka Chaka.Katrina Hanse-Himarwa, die...