Bekentenis kan moordverdagte kniehalter
Marc Springer – Een van die twee mans wat beskuldig word van die moord op 'n bejaarde egpaar tydens 'n huisbraak op Swakopmund byna vier jaar gelede, sal waarskynlik nie aanhouding kan vryspring nie.
Dít nadat 'n verklaring waarin hy sekere erkennings gemaak het, vandeesweek as bewysstuk in sy verhoor aanvaar is.
Die beskuldigde, mnr. Simon Shidute Jerobeam (27), se verklaring is op die dag van sy inhegtenisneming deur hoofinspekteur Rafael Litota geneem.
Hy erken daarin dat hy en sy voormalige medebeskuldigdes, mnre. Fabian Lazarus (28) en Daniel Nghilifa Stefanus (29), wat in Februarie 2019 uit aanhouding ontsnap het, op 2 Augustus 2017 omstreeks 04:00 na die 81-jarige mnr. Siegfried Strzelecki en die 79-jarige me. Sieglinde Strzelecki se huis toe is, waar hulle ongeveer twee ure lank in die tuin weggekruip het.
Toe Sieglinde die deur van binne oopmaak, het hulle haar terug in die huis gedwing, waar hulle haar vasgebind het. Toe die bejaarde vrou begin skree, het Stefanus 'n tou uitgehaal en haar ongeveer drie minute lank daarmee gewurg totdat sy “swak geword het en nie meer beweeg het nie”.
Jerobeam het voorts in sy verklaring vertel hy het toe “na die ou man gaan soek om hom ook te gryp sodat hy nie kon sien waarmee ons besig was nie”.
Nadat hy Siegfried in die badkamer gekry het en terwyl hy besig was om hom vas te bind, het Stefanus na die kluissleutels begin soek. Jerobeam het hom gevolg en die bejaarde man in die badkamer gelos.
Toe Stefanus nie die kluis kon oopkry nie, het hulle besluit om te loop. Op pad uit het hulle 'n paar waardevolle items uit die sitkamer gevat.
Jerobeam het in sy verklaring gesê hulle is agterna strand toe om die bloed van hul hande en klere af te was. Daarna is hulle na die DRC- informele nedersetting, waar hul paaie geskei het.
Volgens Jerobeam het Stefanus hom aanvanklik genader en vir hom gesê hy “het baie geld by sy baas se huis gesien”. Hulle het toe besluit om die bejaarde egpaar die volgende dag te beroof.
Die staatsgetuie, me. Daphne !Nawases, het vroeër in die hof getuig Lazarus het vir haar gesê hy het die sleutels van die kluis gesteel en het haar toe gevra om die huissleutels vir hulle te kry. Sy het verder getuig sy het nie aan die versoek voldoen nie, maar het die egpaar se dogter en skoonseun, waar sy as 'n huishulp gewerk het, gewaarsku.
Die skoonseun, mnr. Christian Hall, het aan hoërhofregter Christie Liebenberg gesê die kluis se slot is om dié rede vervang.
Mev. Strzelecki is op die toneel dood, terwyl haar man, wat ná die aanval in die hospitaal opgeneem is, 'n beroerte gekry het en 'n week later oorlede is.
Die aanklaer beweer sy dood is deur die aanval agt dae tevore veroorsaak. Om dié rede staan die twee oorblywende beskuldigdes, Jerobeam en Lazarus, tereg op twee aanklagte van moord, huisbraak, diefstal, roof met verswarende omstandighede en dwarsboming van die gereg.
Albei beskuldigdes het aan die begin van hul verhoor onskuldig op alle aanklagte gepleit.
Staatsadvokaat Marthino Olivier verteenwoordig die aanklaers. Jerobeam se regshulpprokureur, mnr. Tuna Nhinda, het hom Maandag aan die saak onttrek en het botsende opdragte as rede aangevoer. Die verhoor duur intussen voort.
- [email protected]
FOTO
‘n Stille protes is op Swakopmund gehou nadat die kusdorp deur 'n vlaag moorde geruk is, insluitend die noodlottige aanval op die Strzelecki-egpaar. Foto Kiiyala Shiku, Nampa
Dít nadat 'n verklaring waarin hy sekere erkennings gemaak het, vandeesweek as bewysstuk in sy verhoor aanvaar is.
Die beskuldigde, mnr. Simon Shidute Jerobeam (27), se verklaring is op die dag van sy inhegtenisneming deur hoofinspekteur Rafael Litota geneem.
Hy erken daarin dat hy en sy voormalige medebeskuldigdes, mnre. Fabian Lazarus (28) en Daniel Nghilifa Stefanus (29), wat in Februarie 2019 uit aanhouding ontsnap het, op 2 Augustus 2017 omstreeks 04:00 na die 81-jarige mnr. Siegfried Strzelecki en die 79-jarige me. Sieglinde Strzelecki se huis toe is, waar hulle ongeveer twee ure lank in die tuin weggekruip het.
Toe Sieglinde die deur van binne oopmaak, het hulle haar terug in die huis gedwing, waar hulle haar vasgebind het. Toe die bejaarde vrou begin skree, het Stefanus 'n tou uitgehaal en haar ongeveer drie minute lank daarmee gewurg totdat sy “swak geword het en nie meer beweeg het nie”.
Jerobeam het voorts in sy verklaring vertel hy het toe “na die ou man gaan soek om hom ook te gryp sodat hy nie kon sien waarmee ons besig was nie”.
Nadat hy Siegfried in die badkamer gekry het en terwyl hy besig was om hom vas te bind, het Stefanus na die kluissleutels begin soek. Jerobeam het hom gevolg en die bejaarde man in die badkamer gelos.
Toe Stefanus nie die kluis kon oopkry nie, het hulle besluit om te loop. Op pad uit het hulle 'n paar waardevolle items uit die sitkamer gevat.
Jerobeam het in sy verklaring gesê hulle is agterna strand toe om die bloed van hul hande en klere af te was. Daarna is hulle na die DRC- informele nedersetting, waar hul paaie geskei het.
Volgens Jerobeam het Stefanus hom aanvanklik genader en vir hom gesê hy “het baie geld by sy baas se huis gesien”. Hulle het toe besluit om die bejaarde egpaar die volgende dag te beroof.
Die staatsgetuie, me. Daphne !Nawases, het vroeër in die hof getuig Lazarus het vir haar gesê hy het die sleutels van die kluis gesteel en het haar toe gevra om die huissleutels vir hulle te kry. Sy het verder getuig sy het nie aan die versoek voldoen nie, maar het die egpaar se dogter en skoonseun, waar sy as 'n huishulp gewerk het, gewaarsku.
Die skoonseun, mnr. Christian Hall, het aan hoërhofregter Christie Liebenberg gesê die kluis se slot is om dié rede vervang.
Mev. Strzelecki is op die toneel dood, terwyl haar man, wat ná die aanval in die hospitaal opgeneem is, 'n beroerte gekry het en 'n week later oorlede is.
Die aanklaer beweer sy dood is deur die aanval agt dae tevore veroorsaak. Om dié rede staan die twee oorblywende beskuldigdes, Jerobeam en Lazarus, tereg op twee aanklagte van moord, huisbraak, diefstal, roof met verswarende omstandighede en dwarsboming van die gereg.
Albei beskuldigdes het aan die begin van hul verhoor onskuldig op alle aanklagte gepleit.
Staatsadvokaat Marthino Olivier verteenwoordig die aanklaers. Jerobeam se regshulpprokureur, mnr. Tuna Nhinda, het hom Maandag aan die saak onttrek en het botsende opdragte as rede aangevoer. Die verhoor duur intussen voort.
- [email protected]
FOTO
‘n Stille protes is op Swakopmund gehou nadat die kusdorp deur 'n vlaag moorde geruk is, insluitend die noodlottige aanval op die Strzelecki-egpaar. Foto Kiiyala Shiku, Nampa
Kommentaar
Republikein
Geen kommentaar is op hierdie artikel gelaat nie