Bek-en-klouseer tref Zambezi

Tweede uitbreking in vier jaar

14 August 2019 | Landbou
Elvira Hattingh - Bek-en-klouseer het opnuut by die Sigwe-nedersetting in die Zambezistreek uitgebreek en sowat 40 000 beeste loop tans die gevaar om ook met die siekte besmet te word.

Ondersoeke deur amptenare van die veeartsenydienste-direktoraat (DVS) dui aan sowat 50 uit 106 beeste by Sigwe toon reeds tekens van bek-en-klouseer.

In ‘n kennisgewing wat deur me. Albertina Musilika-Shilongo, waarnemende hoof van veeartsenydienste by die direktoraat uitgereik is, is bevestig twee krale by Sigwe is geraak.

Musilika-Shilongo sê staatsamptenare is Donderdag verlede week deur boere in die omgewing in kennis gestel dat hul beeste kreupel loop, kwyl en nie wei nie.

Ná veeartse die krale besoek het en monsters geneem het, het die sentrale veterinêre laboratorium in Windhoek die afgelope Sondag bevestig dit is wel bek-en-klouseer.

Musilika-Shilongo meen die siekte kom van die buffels wat van nature in dié gebied voorkom en as draers van die virus bekend is.

Sigwe lê in die oostelike vloedvlaktes van die Zambezi-gebied, sowat 90 km oos van Katima Mulilo en binne Namibië se sone wat met bek-en-klouseer besmet is, het Musilika-Shilongo gesê.

Verskeie beheermaatreëls is intussen afgekondig, wat insluit geen diere met gesplete hoewe mag in of uit die Zambezistreek beweeg nie en alle vervoerpermitte moet onmiddellik opgeskort word.

Dit geld beeste, skape, bokke en varke. Die verbod is ook van toepassing op die vervoer van velle, trofeë, gras en ander plantmateriaal wat die virus kan versprei.

Verder sal padblokkades op strategiese plekke opgerig word en spanne is uitgestuur om vas te stel hoe ver die uitbreking strek.

Boere word dus versoek om hul vee vir inspeksie beskikbaar te stel.

Musilika-Shilongo het gesê intussen sal vee wat ‘n risiko vir besmetting loop weer ingeënt word en boere word versoek om hul vee te bring.

Volgens veeartsenydienste sluit tekens van bek-en-klouseer in dat vee kwyl, nie wei nie, kreupel loop, nie werklik wil beweeg nie, koors en blase op hul tong, tandvleis en hoewe het.

Dit is ook ‘n aanmeldbare veesiekte.

Bek-en-klouseer het in Mei 2015 vir die eerste keer in dekades in die sentraal-noordelike streke van Namibië uitgebreek.

Dit net nadat Namibië die Wêreldorganisasie vir Dieregesondheid (OIE) genader het om die gebied noord van die veterinêre kordonheining vry van bek-en-klouseer te verklaar.

Namibië kan glo heelwat meer beesvleis vir internasionale markte produseer, sou produsente noord van die Rooilyn by uitvoermarkte ingesluit word.

Die bedreiging van bek-en-klouseer in die noordelike kommunale gebiede het dít tot dusver verhinder.

[email protected]

Soortgelyk

 

Man steel glo mediese toerusting by staatshospitaal

8 ure gelede | Misdaad

Die polisie in die Kavangostreek het ’n man in hegtenis geneem wat na bewering mediese toerusting uit die staatshospitaal op Rundu gesteel het. Die man...

Man met hope wildprodukte vas

9 ure gelede | Misdaad

'n Namibiese man is verlede week op Divundu met 'n groot verskeidenheid beheerde wildprodukte glo in sy besit in hegtenis geneem. Mnr. Katoima Kandunda is...

Vol ambulans bots teen bees

13 ure gelede | Ongelukke

Drie staatspasiënte is vanoggend lig beseer toe ‘n ambulans van die ministerie van gesondheid en maatskaplike dienste ‘n bees op die hoofpad tussen Otavi en...

Miljoene gevra ná ongeluk leerling eis

1 dag gelede | Howe

Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar...

Media 'mishandel' Hage

1 dag gelede | Regering

Denver Kisting – ’n Hoë prys is vir Namibië se demokrasie betaal en strukture mag nie vir persoonlike en politieke gewin misbruik word nie. “Ons...

VERKIESINGS 2019: PRESIDENSIËLE KANDIDATE

1 dag gelede | Politiek

Bernardus SwartbooiLandless People's Movement (LPM) Bernardus Clinton Swartbooi het weggebreek van Swapo toe hy in 2017 weens kritiek teen die regering gedwing is om as...

Weer vir 11 November 2019

1 dag gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderstorms in die Noorde, Noordooste en oostelike dele. Elders sal dit gedeeltelik bewolk...

Namibië, China se band opnuut gekap

1 dag gelede | Regering

Denver Kisting – Pres. Hage Geingob loop veral in die sosiale media deur nadat China se premier, me. Sun Chunlan, gesê het dié land en...

‘Gevaarlike’ man ná vyf dae aangekeer

1 dag gelede | Misdaad

Denver Kisting – Vyf dae nadat ’n man onder polisiebewaking uit ’n hospitaal verdwyn het, is mnr. San Ricky Geingob weer agter tralies.Hoofinsp. Kauna Shikwambi,...