Bejaardes vir Kersfees bederf

Die munisipaliteit van Windhoek het Vrydag sowat 400 bejaardes met ’n Kersete bederf. Elkeen het ook ’n geskenkpakkie ontvang. Verpleegstudente aan die Universiteit van Namibië (Unam) het die geleentheid bygewoon en die bejaardes met masserings bederf. “Dit is die eerste keer in my lewe dat ek ’n massering kry, en dit is wonderlik. Só ’n heerlike bederf,” het Ouma Lydia Garises gesê. Die Chinese ambassade het dokters vanjaar vir die eerste keer beskikbaar gestel om die bejaardes se bloeddruk te meet en gesondheidsraad te gee.