Behoeftiges se oë op Mangetti Duin getoets
Luka Optics hou in Junie ’n tweede uitreik-aksie na behoeftige inwoners van Mangetti Duin oos van Grootfontein.
Verlede jaar is dit baie positief ervaar, met meer as ’n honderd brille wat uitgedeel is.
Volgens me. Michelle Beeker van Luka Optics, is dié aksie ook ’n spanbou-oefening, met die personeel van alle takke wat deelneem.
“Ons gaan op 17 Junie by Hand in Hand for Africa se gebou op die dorpie wees en gaan binne een dag almal wat kom se oë toets, lense maak en waar nodig, brille uitdeel. Die hoofdoel is om blindheid te verhoed,” sê sy.
Diegene wat ou brille het wat hulle nie meer benut nie, kan dit by enigeen van Luka Optics se takke op Rundu, Grootfontein, Tsumeb, Okahandja en twee in Windhoek gaan afgee. Andersins kan Merika van die Tsumeb-tak by 067 222 622 gekontak word vir meer inligting.
Omdat alle personeel aan die aksie deelneem, word kliënte gevra om daarop te let dat alle Luka Optics-takke vanaf 16 tot 18 Junie gesluit gaan wees.
Verlede jaar is dit baie positief ervaar, met meer as ’n honderd brille wat uitgedeel is.
Volgens me. Michelle Beeker van Luka Optics, is dié aksie ook ’n spanbou-oefening, met die personeel van alle takke wat deelneem.
“Ons gaan op 17 Junie by Hand in Hand for Africa se gebou op die dorpie wees en gaan binne een dag almal wat kom se oë toets, lense maak en waar nodig, brille uitdeel. Die hoofdoel is om blindheid te verhoed,” sê sy.
Diegene wat ou brille het wat hulle nie meer benut nie, kan dit by enigeen van Luka Optics se takke op Rundu, Grootfontein, Tsumeb, Okahandja en twee in Windhoek gaan afgee. Andersins kan Merika van die Tsumeb-tak by 067 222 622 gekontak word vir meer inligting.
Omdat alle personeel aan die aksie deelneem, word kliënte gevra om daarop te let dat alle Luka Optics-takke vanaf 16 tot 18 Junie gesluit gaan wees.
Kommentaar
Republikein
Geen kommentaar is op hierdie artikel gelaat nie