Begroting rem handboeke weer

04 October 2018 | Onderwys
Henriette Lamprecht – ’n Verkleinde onderwysbegroting vir die 2018-’19-boekjaar beperk die aantal handboeke wat streke kan aankoop.

Daarom moet net graad 10-handboeke vir die nuwe Namibiese Nasionale Senior Sekondêre Sertifikaat op gewone vlak (NSSCO) aangeskaf word.

Die permanente sekretaris van onderwys, kuns en kultuur, me. Sanet Steenkamp, het in ’n omsendbrief in Augustus aan onder meer streekskantore, direkteure en skoolhoofde gesê die driejaarkontrak vir die druk van handboeke het einde Maart verstryk.

Volgens Steenkamp was die ministerie in die proses om deur die Sentrale Verkrygingsraad (CPB), en in ooreenstemming met die wet op openbare verkryging, advertensies vir botte vir die druk en verspreiding van die nuwe handboeke saam te stel. Die botte sal geld vir alle fases vir die tydperk 1 Oktober 2018 tot 31 Maart 2021.

Die implementering van die hersiende leerplan vir die Senior Sekondêre Fase (graad 10 – 11) begin Januarie aanstaande jaar.

Vanaf aanstaande jaar val die graad 10 eksterne eksamens weg omdat die Junior Sekondêre Sertifikaat wat verkry word ná die graad 10 eksterne eksamens, nie meer in aanvraag is nie en werkvereistes meestal ’n Senior Sekondêre Sertifikaat insluit.

Minister Katrina Hanse-Himarwa het tydens die bespreking van haar begrotingspos vroeër vanjaar gesê N$59 miljoen is vir handboeke vir graad 10 en 11 begroot. Hanse-Himarwa het ook erken die implementering van die nuwe leerplan bring bykomende koste mee vir onder meer nog laboratoriums, klaskamers, handboeke en onderwysers.

Volgens die ministerie se handboekbeleid moet voorraadopnames by skole teen die einde van die eerste termyn voltooi word, sodat die bestelling van handboeke volgens die nuwe Senior Sekondêre Handboekkatalogus (graad 10 tot 11) kan begin. Die katalogus word deur die Nasionale Instituut vir Opvoedkundige Ontwikkeling (NIED) verskaf.

In ’n poging om te help met die aankoop van handboeke en ondersteuningsmateriaal sal die direktoraat vir programme, kwaliteit en gehalteversekering die grootmaat aankope van alle verpligte vakke volgens vanjaar se NIED-katalogus vir hoërskole aankoop.

Skoolhoofde moes reeds hul voorrade van handboeke en ondersteuningsmateriaal wat in die vorige boekjaar bestel en ontvang is, vroeg in September volgens ’n voorgeskrewe vorm ingevul het.

Teen einde September moes die behoeftebepaling en bestellings vir 2018/2019 (net graad 10) ingedien word. Skoolinspekteurs moet help met skole se bestellings wat op hul begrotingstoekenning gebaseer is.

Beamptes in die onderskeie streke verantwoordelik vir handboeke word in die omsendbrief gemaan dat die verhouding van een handboek per leerling in die lig van huidige finansiële beperkinge “nie van toepassing mag wees nie”.

Teen 15 Oktober moet die betrokke beamptes reeds kwotasies van uitgewers en verspreiders hê vir die sortering, verpakking en aflewering van handboeke aan skole in die streek. Streeksbestellings vir handboeke vir graad 10 moet volgens die omsendbrief ’n week later (22 Oktober) aan uitgewers uitgereik word.

Soortgelyk

 

Honderde miljoene vir veevoer nodig

18 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

18 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

18 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

18 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

18 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

18 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

18 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

18 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

18 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...