Beendere by VSA-ambassade se bouterrein ontdek

20 April 2021 | Misdaad
Francoise Steynberg



Konstruksiewerkers by die bouterrein van die nuwe Amerikaanse ambassade in Nelson Mandelarylaan in Klein Windhoek het verlede Dinsdagmiddag ’n skokontdekking gemaak.

“Konstruksiewerkers het menslike beendere van vermoedelik een individu teen die grensheining van die bouperseel ontdek,” het die woordvoerder van die ambassade, mnr. Walter Parrs, gister aan Republikein gesê.

Volgens Parrs het die konstruksiespan onmiddellik hul werk gestaak, die toneel afgesper en beskerm, asook die Namibiese owerhede ingelig.

“Die Namibiese polisie het dieselfde middag die toneel besoek en die oorskot verwyder,” het hy gesê.

“Die Amerikaanse ambassade is in kontak met die polisie oor die ondersoek,” sê Parrs.

“Ja, daar is beendere gevind, maar forensies is nie na die toneel ontbied nie,” het die hoof van die Namibiese polisie se Instituut vir Forensiese Wetenskap (NPSFI), komm. Nelius Becker, die naweek aan Republikein bevestig.

“Forensies sal betrokke raak met die voorval tydens die lykskouing en om die tyd van sterfte te bepaal - of dit histories is of nie,” het hy gesê.

Gister het hy bevestig ’n dokter het reeds die nadoodse ondersoek voltooi, maar kon nie die geslag van die oorledene bepaal nie.

“Daar is nie ’n pelvis by hierdie beendere gevind nie en dan is dit moeilik om die geslag te bepaal,” het Becker gesê.

Hy sê baie sulke beendere is al by boupersele in Windhoek ontdek en die graf en die manier hoe ’n lyk begrawe is, kan baie inligting gee, “maar forensies was nie na hierdie toneel uitgeroep nie,” het Becker gesê.

Hy sê hy sal later vandeesweek die nadoodse ondersoekverslag ontvang en dalk sal die oorskot na die laboratorium se lykshuis gestuur word waar die ouderdom van die oorskot bepaal sal word.

“’n Antropoloog sal moontlik die historiese waarde van die oorskot moet bepaal,” het Becker gesê.

- [email protected]

Soortgelyk

 

Skoolhoof van Swakop sterf aan Covid-19

9 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

9 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

9 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

9 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

9 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

9 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

9 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

9 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

9 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...