Bedrogsaak van N$3,5 miljard uitgestel

Een Chinees borgtog toegestaan, ander geweier

28 December 2016 | Howe
Estelle de Bruyn - ‘n Chinese man van Ondangwa en ‘n Namibiese man van Walvisbaai het gister vlugtig in die landdroshof in Windhoek verskyn in ‘n saak wat in groot geheimhouding gehul is en waarby klaarblyklik tot soveel as N$3,5 miljard betrokke is.

Mnr. Sisa Namandje, wat namens die Chinese burger, mnr. Tao Hangzong, opgetree het, het die hof versoek om opdrag te gee dat die staat meer besonderhede oor die spesifieke aard van die klagte aan die verdediging beskikbaar stel sodat hulle behoorlik kon voorberei.

Al wat bekend is, is dat vier beskuldigdes teregstaan op klagte van bedrog en geldwassery.

Landdros Gert van Pletzen het gesê gegewe die N$3,5 miljard wat op die spel is, is dit ‘n sensitiewe aangeleentheid. Dit is egter net gepas dat die staat wel die verdediging in kennis stel van wat beweer word.

Sover van regsverteenwoordigers vir die verdediging verneem word, is ‘n lasbrief deur die polisie uitgereik rakende tien Chinese maatskappye in Namibië. Drie Chinese burgers is dusver in hegtenis geneem. Die polisie het op 16 Desember ook ‘n klopjag op die kantore van ‘n doeane-klaringsbeampte, mnr. Julius Laurentius, op Walvisbaai uitgevoer en beslag op verskeie rekenaars en dokumente gelê. Die beskuldige was nie ten tyde van die klopjag in Engeland. Ná sy terugkeer na Namibië is hy op 21 Desember op Walvisbaai in hegtenis geneem. Sy borgtogaansoek is geweier en hy is steeds in aanhouding nadat hy vroeër na die Windhoek-gevangenis oorgeplaas is.

Ondertussen het die Chinese burgers op Ondangwa in die hof verskyn. Twee van die beskuldigdes is borgtog geweier, maar Tao is borgtog van N$500 000 toegestaan, wat hy betaal het.

Senior advokaat Louis Botes, namens Laurentius, het sy ontevredenheid oor die ongelyke behandeling van sy kliënt in vergelyking met dié van Tao uitgespreek.

“Vir onbekende redes het die staat besluit om nie my kliënt dieselfde te behandel as ‘n buitelandse burger nie. My kliënt het omvangryke sakebelange in hierdie land en sy sakeondernemings is van so ‘n aard dat dit sy teenwoordigheid nodig het om te oorleef,” het hy gesê.

Hy het ook sy misnoeë uitgespreek omdat Laurentius deur die gevangenisowerhede verhinder word om kontak met sy vrou en senior personeel te hê terwyl hy in aanhouding is. Van Pletzen het hom gelyk gegee en die staat vermaan om toe te sien dat dit geskied.

Botes het die hof voorts in kennis gestel dat sy kliënt die geldigheid van sowel die deursoekingsbevel as die lasbrief vir sy inhegtenisneming in die hof sal uitdaag.

Die staat en die verdediging het ooreengekom om die saak tot môre uit te stel. Die staat sal dan die verhore van Laurentius en die drie Chinese burgers verenig. Die twee Chinese wat nog in aanhouding in die Noorde is, sal dan ook na Windhoek oorgeplaas word.

Op 3 Januarie sal formele aansoeke om borgtog gebring word.

Tao sal weer op 16 Februarie in die hof verskyn. Sy borgtog is intussen verleng tot daardie datum.

Namandje het die hof daarop gewys dat verdagmaking deur die staat oor sy kliënt en aanduidings dat die staat gaan vra dat die borgtog teruggetrek word, moet end kry. “Die staat kan nie voorgee dat my kliënt onwettig vrygelaat is nie. ‘n Landdros op Ondangwa het borgtog aan hom toegestaan,” het Namandje gesê.

Die saak duur môre voort.

Soortgelyk

 

Noorde in greep van erge waterkrisis

9 ure gelede | Omgewing

Ronelle Rademeyer - Skade weens verspoelings aan die kanaal wat water vanaf Calueque tot by Oshakati en omliggende dorpe in die sentrale Noorde, ...

Twee mans sterf op Hochfeldpad

23 ure gelede | Ongelukke

Twee mans het gistermiddag in ‘n motorongeluk op die pad tussen Okahandja en Hochfeld gesterf.Die sedanvoertuig waarin hulle gereis het, het ‘n slaggat getref en...

Shaningua 'het uit vrees geskiet'

23 ure gelede | Howe

Jacqueline Louw – Mnr. Rodney Shaningua (47) wat van die moord op ’n Finse burger twee jaar gelede beskuldig is, het gister aan ’n hoërhofregter...

Premier gee oorsig oor staatsdiens

23 ure gelede | Regering

Estelle de Bruyn - Met die uitsondering van die uniformmagte en politieke ampsdraers, is daar 67 835 staatsamptenare in Namibië van wie 534 buitelanders is.Dit...

Weer vir 28 April 2017

23 ure gelede | Weer

BINNELAND: Gedeeltelik bewolk en warm tot baie warm met enkele buie oor die Zambezistreek. Dit sal winderig oor die binneland wees, behalwe oor die verre...

Reg op repliek: Safari Hotels

23 ure gelede | Plaaslik

Op 10 Maart 2017 het Republi­kein 'n onderhoud geplaas wat gevoer is met mnr. Johnnie Hamman, voormalige besturende direkteur van Safari Hotels (Edms. Bpk.), onder...

Sentrale Aankoperaad in hoërhof ingehuldig

23 ure gelede | Howe

Die nuwe Sentrale Aankoperaad is gister amptelik deur regterpresident Petrus Damaseb in die hoërhof ingehuldig. Die voorsitter van die nuwe raad, mnr. Patrick Swartz, het...

Man sterf 'n maand ná sy troudag

23 ure gelede | Ongelukke

Tanja Bause - Presies 'n maand nadat mnr. Kaonge Kaura (26) in die huwelik getree het, is hy in die Lady Pohamba-hospitaal oorlede nadat hy...

Kavango: Beplande pynappelprojek tot niet

23 ure gelede | Landbou

Elvira Hattingh - Ná 13 jaar se werk is Kavango Fruit Farms se beplande pynappelprojek en -fabriek in die Kavangostreek van die baan.Dit ten spyte...