Basters sê oor grond

Rehoboth lewer insette

16 May 2019 |
Augetto Graig - Die Rehohoboth Baster-gemeenskap gaan binnekort stem dikmaak oor die grondkwessie.

Op 25 Mei sal die gemeenskap om 15:00 by die Kapt. Hermanus van Wyk-gedenksaal op die dorp vergader.

Volgens die Baster-kaptein, mnr. John McNab, hou die vergadering verband met die insette wat die gemeenskap aan die kommissie van ondersoek oor voorvaderlike grond wil lewer.

Die kommissie is ná verlede jaar se nasionale grondberaad in die lewe geroep.

McNab sê sy kantoor doen reeds jare lank navorsing oor verskeie kwessies met betrekking tot grond in Rehoboth gedoen.

“Ons het nou die punt bereik waar ons in staat is om ’n amptelike voorlegging aan die kommissie van ondersoek oor voorvaderlike grondeise en restitusie te kan doen,” sê hy.

Die United People’s Movement (UPM) het op 9 Mei reeds met die kommissie vergader en het die kaptein ook oor die kommissie se verwysingsvoorwaardes ingelig, sê hy.

McNab sê die Baster-gemeenskap en die UPM sal die pad vorentoe saam uitpluis.

Hy moedig lede van die gemeenskap aan om sy kantoor te ondersteun sodat eise die gemeenskap se ware strewes weerspieël.

Volgens hom wil die Rehoboth Baster-gemeenskap as ’n minderheidsgroep in Namibië erken word, met volle regte en respek, om hulle van voortbestaan te verseker.

“Dit was ’n lang pad wat ons tot hier gebring het, en tog is daar meer om te doen. Jul aanhoudende ondersteuning, hulp en geestelike leiding het ons tot hier gebring en is steeds nodig om ons drome te bewaarheid,” sê hy.

Intussen het die kommissie laat weet hulle sou gister hul eerste nuusverklaring oor hul werksaamhede tot dusver uitreik.

Die kommissie is oop vir insette oor voorvaderlike grondregte van gister af tot 15 Junie.

Resolusie 37 va verlede jaar se nasionale grondberaad ondersoek die definisie van voorvaderlike grond in terme van ekonomiese, kulturele en geestelike eise.

Die kommissie is in die lewe geroep om gemeenskappe te identifiseer wat voorvaderlike grond verloor het, en om die grootte en grense van verlore voorvaderlike grond te bepaal.

Dit moet ook voorsiening vir hervestigingsvereistes opstel wat verseker die mees geraakte gemeenskappe word regverdig behandel.

Die kommissie moet ’n algemene begrip oor voorvaderlike grondregte en restitusie daarstel.

Resolusie 38 van die grondberaad het ten doel gehad om alternatiewe maatreëls te identifiseer wat maatskaplike geregtigheid en ekonomiese bemagtiging by geraakte gemeenskappe sal bevorder.

Hulle moet ook vergoeding van koloniale magte in ag neem en hoe dit vir die regstelling van voorvaderlike grondregte aangewend kan word.

Onder meer moet die kommissie ook toepaslike wetgewing formuleer, voorkeur aan menseregte in die regstellende proses verleen, onderskei tussen verskillende tipes voorvaderlike grondeise en ook vroue en geraakte gemeenskappe insluit.

Die kommissie sal ook die hernoeming van plek- en straatname oorweeg.

Vir meer inligting oor die vergadering, kontak die kaptein se kantoor by 081 793 0704.

Soortgelyk

 

Vier wildehonde proe vryheid

32 minute gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

11 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

11 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

11 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

11 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

11 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

11 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

11 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

11 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...